మీసేవా పోర్టల్ వివరాలు హ్యాక్ చేసి పలు సేవల ద్వారా వచ్చే కమీషన్లను కాజేసిన ఓ వ్యక్తిని రాచకొండ సైబర్ క్రైం పోలీసులు అరెస్ట్ చేశారు. వరంగల్కి చెందిన కాసాని జగన్ నగరంలో ఓ ప్రైవేటు కంపెనీలో సెక్యూరిటీ గార్డుగా పని చేస్తున్నాడు. విలాసాలకు అవాటుపడి అక్రమ మార్గాన్ని ఎంచుకున్నాడు. ద్విచక్ర వాహనాలకు ఉన్న చలాన్లు కట్టడానికి మీ సేవ సెంటర్కు వెళ్లినపుడు లాగిన్ వివరాలు తస్కరించాడు.
తన స్నేహితులు, యూట్యాబ్లోని వీడియోల ద్వారా మీ సేవా పోర్టర్లో లాగిన్ అయ్యాడు. ఈసీ లాంటి పలు కీలక డాక్యుమెంట్లు నుంచి వచ్చే కమీషన్ను తన ఖాతాలకు మళ్లించుకున్నాడు. తన ఐడీ ద్వారా ఇదంతా జరిగిందని తెలుసుకున్న మీసేవా ఉద్యోగి పోలీసులకు ఫిర్యాదు చేశాడు. దర్యాప్తు చేసిన రాచకొండ సైబర్ క్రైం పోలీసులు ఐపీ అడ్రస్ ద్వరా నిందితుడిని అరెస్ట్ చేసి రిమాండ్కు తరలించారు.
