మద్యానికి బానిసై.. వైకుంఠధామంలో వ్యక్తి ఆత్మహత్య

భార్యాభర్తల మధ్య తలెత్తిన మనస్పర్థల కారణంగా ఓ వ్యక్తి ఆత్మహత్యకు పాల్పడ్డాడు. నిర్మల్ జిల్లా సారంగాపూర్ మండలంలో ఈ ఘటన చోటు చేసుకుంది.

మద్యానికి బానిసైన ఓ వ్యక్తి.. గ్రామ శివారులోని వైకుంఠధామం కిటికీకి ఉరేసుకొని బలవన్మరణానికి పాల్పడ్డాడు. నిర్మల్ జిల్లా సారంగాపూర్ మండలం బోరిగాం గ్రామంలో ఇది జరిగింది.

గుర్రం నరేశ్ (30) గత కొద్ది రోజులుగా మద్యానికి బానిసై.. ఏ పని చేయకుండా ఖాళీగా తిరుగుతున్నాడు. కుటుంబ పోషణ భారమవుతుండటంతో.. భార్య ముత్తవ్వ అతనిని మందలించింది. మనస్తాపం చెందిన నరేశ్..​ ఆత్మహత్యకు పాల్పడ్డాడు. కేసు నమోదు చేసుకున్న పోలీసులు దర్యాప్తు చేపట్టారు.

ఇదీ చదవండి: నిర్లక్ష్యానికి నిండు ప్రాణం బలి.. అతివేగమే కారణం