తల్లిదండ్రులు ఖర్చులకు డబ్బులివ్వలేదని మనస్తాపానికి గురైన ఓ ఇంటర్‌ విద్యార్థి.. ఉరి వేసుకుని బలవన్మరణానికి పాల్పడ్డాడు. ఈ విషాద ఘటన మహబూబ్‌నగర్ జిల్లా నవాబ్‌పేట మండలంలో చోటు చేసుకుంది.
కర్శాల మడుగు తండాకు చెందిన రాంజీ (18).. అవసరాలకోసం ఇంట్లో డబ్బులు అడిగాడు. తల్లిదండ్రులు లేవని చెప్పడంతో తీవ్ర మనస్తాపానికి గురయ్యాడు. కోపంతో.. పొలానికి వెళ్లి ఉరి వేసుకొని ఆత్మహత్య చేసుకున్నాడు.
చేతికందివచ్చిన కుమారుడు.. విగత జీవిగా పడి ఉండటం చూసి తల్లిదండ్రులు బోరున విలపించారు. బంగారం లాంటి భవిష్యత్‌ ఉన్న యువకుడు.. చిన్న కారణంతో ప్రాణాలు తీసుకోవడం స్థానికులను కలచివేసింది.
ఇదీ చదవండి: హాస్టల్లో యువకుడు అనుమానాస్పద మృతి
