శాక్రిఫైజ్ స్టార్ సునిషిత్ ( Sacrifice star Sunishit )... యూట్యూబ్లో వీడియోలు చూసే వారికి ఈ పేరు తెలిసే ఉంటుంది. నిత్యం సోషల్ మీడియాలో ఉండే వారికి మాత్రం... ప్రత్యేకంగా ఇతని గురించి చెప్పాల్సిన పనిలేదు. చిత్ర పరిశ్రమలోని ప్రముఖుల గురించి వివాదాస్పద వ్యాఖ్యలు చేస్తూ... ఎప్పుడూ వార్తల్లో ఉంటాడు. ఆ సినిమా ఛాన్స్ నాకే వచ్చేసింది.. ఆ హీరో అడిగితే ఇచ్చేసా... అంటూ... వివాదస్పద వ్యాఖ్యలు చేసి... హడావుడి చేస్తుంటాడు. అంతేనా.. హీరోయిన్లతో.. పెళ్లైంది.. అంటూ..సోది కబుర్లు కూడా చెప్తు ఉంటాడు. ఈసారి శాక్రిఫైజ్ స్టార్ సినీ ప్రముఖుల మీద కాకుండా ఓ పోలీస్ ఆఫీసర్ మీద ఆరోపణలు చేసి అరెస్టయ్యాడు.
ఇదీ జరిగింది...
ఇటీవల సునిషిత్ టీవీ పేరుతో ఓ య్యూట్యూబ్ ఛానల్ (Sunishit YouTube channel) ప్రారంభించాడు. వివాదస్పద వీడియోలను పోస్ట్‌ చేయడం స్టార్ట్ చేశాడు. ఇటీవల మల్కాజిగిరి స్టేషన్‌లో పని చేసే ఓ పోలీసు అధికారిపై తప్పుడు వీడియో పోస్ట్‌ చేశాడు. ఆ అధికారి ఫిర్యాదుతో కేసు నమోదు చేసి కీసర పోలీసులు దర్యాప్తు చేపట్టారు. తప్పుడు వీడియో ఇచ్చినట్లు నిందితుడు ఒప్పుకొన్నాడని కీసర సీఐ నరేందర్‌గౌడ్‌ తెలిపారు.
సునిషిత్ గురించి...
జనగాం జిల్లాకు చెందిన ఆర్‌.సునిషిత్(32) ఎంటెక్‌ చదివాడు. చదువు పూర్తయిన తర్వాత ఓ కళాశాలలో పని చేస్తున్నపుడు విద్యార్థినితో అసభ్యంగా ప్రవర్తించి జైలుకు వెళ్లాడు. జైలు నుంచి విడుదలైన తర్వాత 2014లో నివాసాన్ని రాంపల్లి ఆర్‌ఎల్‌నగర్‌కి మార్చాడు. ఫిల్మ్‌ ఇనిస్టిట్యూట్‌లో శిక్షణ పొందాడు. రాత్రికి రాత్రే స్టార్ అయ్యేందుకు కొత్త మార్గాన్ని ఎంచుకున్నాడు. ప్రముఖులపై వ్యాఖ్యానిస్తే ఉచితంగా ప్రచారం పొందొచ్చని భావించి పలువురు సినీ ప్రముఖులపై తప్పుడు ప్రచారం చేయడం మొదలు పెట్టాడు. ఈ విషయంలో గత ఏడాది అతనిపై కేసు నమోదై రిమాండ్‌కు వెళ్లాడు.
ఇదీ చూడండి: హీరోయిన్లు నా గర్ల్ ఫ్రెండ్స్ అంటూ ప్రచారం.. అరెస్ట్
