హైదరాబాద్ అంబర్పేట్ గోల్నాక డివిజన్లో భారీ అగ్నిప్రమాదం చోటుచేసుకొంది. వేస్ట్ పేపర్ గోదాంలో మంటలు ఎగసిపడ్డాయి. స్థానికుల సమాచారం అగ్నిమాపక సిబ్బంది మంటలను అదుపుచేశారు. గోల్నాక డివిజన్ కార్పొరేటర్ దూసరి లావణ్య శ్రీనివాస్గౌడ్ ఘటనస్థలిని పరిశీలించారు.
మూడు సంవత్సరాల క్రితం ఇదే గోదాంలో భారీ అగ్నిప్రమాదం సంభవించినట్లు స్థానికులు చెప్పారు. అయినా ఎలాంటి చర్యలు తీసుకోలేదని ఆగ్రహం వ్యక్తం చేశారు. ఇళ్ల మధ్యలో గోదాంలు ఉండడం వల్ల ప్రజలకు ఇబ్బంది అవుతుందని.. ప్రభుత్వం దృష్టికి తీసుకెళ్లి సమస్యను పరిష్కారం చేస్తామని కార్పొరేటర్ తెలిపారు.
ఇదీచూడండి: Blast in Hyderabad: హైదరాబాద్లో పేలుడు.. ఇద్దరు మృతి, ఒకరికి తీవ్రగాయాలు
