Gang Rape attempt on Woman: హైదరాబాద్ కొండాపూర్లో యువతిపై అత్యాచారయత్నం కేసులో పోలీసుల దర్యాప్తు కొనసాగుతోంది. ప్రధాన నిందితురాలు గాయత్రి భర్త పాత్రపై పోలీసులు ఆరా తీస్తున్నారు. కాగా పోలీసుల దర్యాప్తులో విస్తుపోయే విషయాలు వెలుగు చూశాయి. తెలిసిన వారి ద్వారానే యువతిపై సామూహిక దాడి చేయించినట్లు విచారణలో వెల్లడైంది. కేసు వివరాలను గచ్చిబౌలి ఇన్స్పెక్టర్ సురేశ్ 'ఈటీవీ భారత్'కు వెల్లడించారు.
'సంతానం కలగడం లేదని కొన్నాళ్లుగా చికిత్స తీసుకుంటున్న గాయత్రి.. కారులో ఆస్పత్రికి వెళ్లేందుకు తరచూ డ్రైవర్లను బుక్‌ చేసుకునేది. తన భర్తతో సదరు యువతి సన్నిహితంగా ఉంటోందని అనుమానం పెంచుకున్న గాయత్రి.. ఈ క్రమంలో తనకు పరిచయమైన ఇద్దరు డ్రైవర్లకు కుట్ర ప్రణాళిక వివరించింది. డ్రైవర్లు విష్ణువర్ధన్, మనోజ్‌తోపాటు స్నేహితుడికి విషయం చెప్పింది. అదే విధంగా తన ఇంట్లో అద్దెకు ఉంటున్న మస్తాన్తో పాటు, తన స్నేహితుడు ముజాహిద్దీన్‌ను కుట్ర విషయం వివరించింది. పథకం ప్రకారం ఆ ఐదుగురినీ గాయత్రి ముందుగానే ఇంట్లో ఉంచింది. బాధితురాలి తల్లిదండ్రులను బయటే ఉంచి ఆమెను లోపలికి తీసుకెళ్లింది. యువతి లోపలికి వచ్చిన వెంటనే.. నలుగురు ఆమె కాళ్లు, చేతులూ కట్టేయగా.. బాధితురాలిని వివస్త్రను చేసి మరో వ్యక్తి లైంగికదాడికి పాల్పడ్డాడు. మరో వైపు గాయత్రి బాధితురాలిని దూషిస్తూ ఆమెపై దాడి చేసి వీడియో చిత్రీకరించింది. ఎవరికైనా చెబితే సామాజిక మాధ్యమాల్లో పెడతానని బెదిరించింది. ఘటన సమయంలో ఇంట్లో శ్రీకాంత్ లేడు.' -సురేశ్, గచ్చిబౌలి ఇన్స్పెక్టర్
ఇవీ చదవండి: యువతిపై నలుగురితో లైంగికదాడి చేయించి.. ఘాతుకాన్ని వీడియో తీసింది..!
