Fire Accident at nanakramguda: నగరంలోని నానక్‌రామ్‌గూడ ప్రాంతంలో అర్ధరాత్రి అగ్నిప్రమాదం సంభవించింది. ఓ అపార్ట్మెంట్లో విద్యుదాఘాతం వల్ల ఒక్కసారిగా మంటలు చెలరేగాయి. సెలిస్టియా అపార్ట్‌మెంట్‌లోని సెల్లార్లో విద్యుత్‌ ప్యానల్‌ బోర్టులో షార్ట్ సర్క్యూట్కు కావడంతో దట్టమైన పొగలు కమ్మేశాయి. ప్రమాదం కారణంగా విద్యుత్‌ ప్యానల్‌ బోర్డు పూర్తిగా దగ్దమైంది.
అపార్ట్మెంట్లో దట్టమైన పొగలు అలుముకోవడంతో ఏం జరుగుతుందో తెలియక అర్థం కాక ప్రజలు ప్రాణభయంతో బయటకు పరుగులు తీశారు. సమాచారం అందుకున్న అగ్నిమాపక సిబ్బంది 24వ అంతస్తులో చిక్కుకుపోయిన నలుగురిని కిందకు తీసుకువచ్చారు. రెండు అగ్నిమాపక శకటాలతో నాలుగు గంటల పాటు శ్రమించి మంటలను అదుపులోకి తీసుకువచ్చారు. ఎలాంటి ప్రాణనష్టం జరగపోవడంతో అపార్ట్మెంట్ వాసులు ఊపిరి పీల్చుకున్నారు.
ఇవీ చదవండి: జీడిమెట్లలో ఒకేరోజు రెండు పేలుళ్లు.. ఒకరు మృతి, ఏడుగురికి గాయాలు
వీధి కుక్కకు ఇన్స్టా అకౌంట్.. యూనివర్సిటీలో ధూమ్ధామ్గా బర్త్డే వేడుకలు
