ఎస్సారెస్పీలో కొట్టుకుపోతున్న ఆ మృతదేహాలు ఎవరివి?

వరంగల్ గ్రామీణ జిల్లా పర్వతగిరి మండలం ఉట్టి తండా మీదుగా ఉన్న ఎస్సార్​ఎస్పీ కాలువలో మృతదేహాలు కొట్టుకుపోతున్నాయి. శుక్రవారం రోజు ఓ గుర్తు తెలియని పురుషుడి మృతదేహం నీటి ప్రవాహంలో కొట్టుకుపోయిన ఓ వీడియో వైరల్​ అయ్యింది.

వరంగల్ గ్రామీణ జిల్లాలో ఉన్న ఎస్సార్​ఎస్పీ కెనాల్ శవాల దిబ్బగా మారుతోంది. మనస్తాపంతోనో... మరే ఇతర కారణాలతోనో జనాలు కాలువలో పడి విగతజీవులుగా మారుతున్నారు. చూస్తూ ఉండగానే మృతదేహాలు నీటిపై తేలి కొట్టుకుపోతున్నాయి. ఈ క్రమంలోనే పర్వతగిరి మండలం ఉట్టి తండా మీదుగా ఉన్న ఎస్సార్​ఎస్పీ కాలువలో శుక్రవారం రోజు ఓ గుర్తు తెలియని పురుషుడి మృతదేహం నీటి ప్రవాహంలో కొట్టుకుపోయింది.

మరోవైపు... ఈ కాలువలో శవాలు రావడం సర్వ సాధారణమని స్థానికులు చెబుతున్నారు. నీటిపై మృతదేహాలు కొట్టుకుపోతున్న వీడియో సామాజిక మాద్యమాల్లో వైరల్​గా మారింది.

ఇదీ చూడండి: పోలీసులను తప్పుదారి పట్టించిన ఫార్మసీ విద్యార్థి