Unknown Man enters Online Class : అక్రమంగా ఆన్లైన్ తరగతిలోకి చొరబడిన ఓ వ్యక్తి బోధనకు ఆటంకం కలిగించాడు. టీచర్ సంభాషణలను రికార్డ్ చేసి ఆ వీడియోను యూట్యూబ్లోని అతడి ఛానెల్లో అప్లోడ్ చేశాడు. ఈ ఘటన హైదరాబాద్లో చోటుచేసుకుంది.
జూమ్లో అక్రమంగా చొరబడి..
Intruder in Online Class : ఈనెల 20న ఓ కార్పొరేట్ స్కూల్కు సంబంధించి సదరు ఉపాధ్యాయిని జూమ్ ద్వారా 7వ తరగతి ఆన్లైన్ క్లాసులను చెబుతుండగా.. ఓ వ్యక్తి అక్రమంగా జూమ్ సెషన్లో లాగిన్ అయ్యాడు. బోధనకు ఆటంకం కలిగించడంతో వెంటనే గుర్తించిన టీచర్ ఆ వ్యక్తిని క్లాస్ నుంచి తొలగించారు. లాగిన్ అయిన సమయంలో టీచర్ సంభాషణలను రికార్డ్ చేసిన ఆ వ్యక్తి రాయల్ దినేశ్ పేరుతో ఉన్న యూట్యూబ్ ఛానెల్లో వీడియోను అప్లోడ్ చేశాడు. అది గుర్తించిన ఆ ఉపాధ్యాయిని పోలీసులకు ఫిర్యాదు చేయగా.. పేట్బషీరాబాద్ పోలీసులు కేసు నమోదు చేసుకున్నారు.
