నిర్లక్ష్యం వల్ల ఓ నిండు ప్రాణం గాల్లో కలిసిపోయింది. కారు అదుపుతప్పి పంట పొలాల్లోకి దూసుకెళ్లిన ఘటనలో ఓ వ్యక్తి అక్కడిక్కడే మృతి చెందాడు. ఈ ఘటన కామారెడ్డి జిల్లా బాన్సువాడ మండలంలోని దుంకుడు మోరి తండాలో జరిగింది.
నిజామాబాద్ జిల్లా రుద్రూర్కు చెందిన సుబ్బారావు.. ప్రభుత్వ ఉపాధ్యాయినిగా విధులు నిర్వర్తిస్తోన్న భార్య పద్మజతో తిరుమలాపూర్లోని పాఠశాలకు బయలుదేరాడు. అతి వేగంతో వస్తోన్న వాహనం.. దుంకుడు మోరి తండా దగ్గరకు రాగానే అదుపు తప్పి పొలంలోకి దూసుకెళ్లింది. ప్రమాదంలో కారు నడుపుతున్న సుబ్బారావు అక్కడికక్కడే ప్రాణాలు విడువగా.. తీవ్ర గాయాలపాలైన పద్మజను స్థానికులు... బాన్సువాడ ఏరియా ఆస్పత్రికి తరలించారు.
ఇదీ చదవండి: డబుల్ బెడ్ రూం ఇల్లు పేరుతో కార్పొరేటర్ అనుచరుడి మోసం
