Accident at Gadipeddapur: మెదక్ జిల్లా అల్లాదుర్గం మండలం గడిపెద్దపూర్ వద్ద గల 161వ జాతీయ రహదారిపై రోడ్డు ప్రమాదం జరిగింది. కారు అదుపు తప్పి కార్మికుల నివాసాల్లోకి వెళ్లగా ఒకరు అక్కడికక్కడే మృతి చెందగా... మరో ముగ్గురికి తీవ్ర గాయాలయ్యాయి.
హైదరాబాద్కు చెందిన రమేశ్ చౌదరి అనే వ్యక్తి తన కారులో అతని స్నేహితులతో కలిసి నారాయణఖేడ్లో జరిగిన వివాహానికి హాజరయ్యారు. తిరిగి హైదరాబాద్ వెళ్తున్న క్రమంలో గడిపెద్దాపూర్ గ్రామ శివారులో కారు అదుపుతప్పి... రోడ్డు పక్కనే స్వస్తిక్ క్యాంప్ కార్మికుల నివాసాల్లోకి దూసుకెళ్లింది. దీంతో రుద్రారం గ్రామానికి చెందిన మహేందర్‌రెడ్డి అక్కడికక్కడే మృతి చెందారు.
కారులో ప్రయాణిస్తున్న శ్రీకాంత్, రమేశ్ చౌదరి, రాజేశ్ చౌదరికి తీవ్ర గాయాలయ్యాయి. వీరిని సమీపంలోని జోగిపేట ఏరియా ఆసుపత్రికి తరలించారు. వీరు హైదరాబాద్కు చెందిన వారిగా గుర్తించిన పోలీసులు... ప్రమాదానికి అతివేగమే కారణమని భావిస్తున్నారు.
ఇదీ చదవండి: Thief Caught At Nunna: తప్పించుకోబోయి చెరువులో దూకిన దొంగ.. చివరికి..
