ఆన్లైన్ గేమ్ ఆడుతుంటే మందలించారని మనస్తాపంతో బీటెక్ విద్యార్థి ఆత్మహత్యకు పాల్పడ్డాడు. ఈ ఘటన ఏపీలోని కడప జిల్లాలో జరిగింది. సీయోనుపురానికి చెందిన అనిల్ కుమార్ నగరంలోని ప్రైవేట్ ఇంజినీరింగ్ కళాశాలలో బీటెక్ మూడో సంవత్సరం చదువుతున్నాడు.
కాలేజీకి వెళ్లకుండా ఆన్లైన్ గేమ్కు బానిసయ్యాడు. ఈ క్రమంలో పెదనాన్న జైపాల్ మందలించగా.. మనస్తాపంతో ఆత్మహత్యకు పాల్పడ్డాడు. 2016లో మనస్పర్థలతో అనిల్ తల్లిదండ్రులు విడిపోగా.. అప్పటి నుంచి అతడి పెదనాన్న జైపాల్ వద్ద ఉంటున్నాడు. కేసు నమోదు చేసుకున్న పోలీసులు దర్యాప్తు చేస్తున్నారు.
ఇదీ చదవండి: ఓ ప్రమాదం నుంచి బయటపడ్డాడు కానీ.. మరో ప్రమాదంలో..
