ప్రేమ పెళ్లి చేసుకోవడమే ఆ యువకుడి పాలిట శాపమైంది. అమ్మాయి బంధువులు అతనిపై దాడి చేసి తీవ్రంగా గాయపరిచారు. ఈ సంఘటన సూర్యాపేట జిల్లా గరిడేపల్లి మండలం మర్రికుంట గ్రామంలో చోటుచేసుకుంది.
మర్రికుంట గ్రామానికి చెందిన వినయ్, పెన్ పహాడ్ మండలం దూపహాడ్ గ్రామానికి చెందిన రుచిత బుధవారం హైదరాబాద్లోని ఆర్యసమాజ్లో ప్రేమ వివాహం చేసుకున్నారు. అయితే విషయం తెలుసుకున్న అమ్మాయి బంధువులు మర్రికుంటలోని వినయ్ ఇంటికి వచ్చి రాళ్లు, కర్రలతో దాడి చేశారు. అమ్మాయిని కొడుతూ బలవంతంగా ఇంటికి లాక్కెళ్లారు. తీవ్ర రక్తస్రావమైన యువకుడిని కుటుంబసభ్యులు వెంటనే అంబులెన్స్లో ఆస్పత్రికి తరలించారు.
