Loan App Harassment లోన్​ యాప్​ వేధింపులకు మహిళ బలి

Loan App Harassment లోన్​ యాప్​ వేధింపులు ఇప్పటికీ తగ్గటం లేదు. వారి వేధింపులకు ప్రాణాలు బలికావటం ఆగట్లేదు. రుణ యాప్ నిర్వాహకుల బెదిరింపులు తట్టుకోలేక ఓ మహిళ నిండు ప్రాణం తీసుకుంది. ఈ ఘటన మేడ్చల్ జిల్లాలో చోటుచేసుకుంది.

Loan App Harassment: ఆన్‌లైన్‌ లోన్‌ యాప్‌ పట్ల పోలీసులు కఠినంగా వ్యవహరిస్తున్నప్పటికీ.. ఇప్పటికీ వాటి ఆగడాలు మాత్రం ఆగటంలేదు. అడగకుండానే రుణాలు ఇచ్చి.. అనంతరం గడువుకు ముందే తిరిగి చెల్లించాలని లేదంటే.. పరువు తీస్తామని వేధించడంతో చాలా మంది ఆత్మహత్యలకు పాల్పడుతున్న విషయం తెలిసిందే. తాజాగా లోన్‌ యాప్‌ నిర్వాహకుల వేధింపులు తాళలేక ఓ మహిళ ఉరేసుకొని ఆత్మహత్యకు పాల్పడింది.

మేడ్చల్ మండలం రాజబొల్లారం తండాకు చెందిన సునీత అనే ఇన్టాఫండ్ ఫైనాన్స్​​లో రుణం తీసుకుంది. అయితే ఫైనాన్స్ కంపెనీ​ నిర్వాహకులు ఫోన్​లో సునీతతో అసభ్యకరంగా మాట్లాడుతూ వేధింపులకు గురిచేశారు. దీంతో తీవ్ర మనస్తాపానికి గురైన ఆమె ఇంట్లో ఫ్యాన్​కు ఉరేసుకుని ఆత్మహత్య చెేసుకుంది. మృతురాలు అలియాబాద్​లో బైక్ జోన్ షోరూమ్ నిర్వహిస్తున్నట్లు కుటుంబ సభ్యులు తెలిపారు. ఈ ఘటనపై కేసు నమోదు చేసుకొన్న పోలీసులు దర్యాప్తు చేస్తున్నట్లు తెలిపారు.

ఇవీ చదవండి: దా'రుణ' యాప్‌ వేధింపులు.. యువకుడు ఆత్మహత్య