జయశంకర్ భూపాలపల్లి జిల్లా మహదేవపూర్ మండలం ఎలికేశ్వరంలోని రేషన్ దుకాణంలో లబ్ధిదారుడిపై రేషన్ డీలర్ చేయిచేసుకున్నాడు. వేలిముద్రలకు బదులుగా ఐరీస్, ఓటీపీ ద్వారా సరుకుల పంపిణీ చేస్తున్నారు. బుధవారం రాత్రి వరకు ఇది కొనసాగింది. ఆ సమయంలో గ్రామానికి చెందిన గాడిపళ్లి మధుకర్ బియ్యం తూకంలో వ్యత్యాసం ఉందని డీలర్ను అడిగాడు. ఈ క్రమంలో వారిద్దరి మధ్య వాగ్వాదం జరిగింది. ఆగ్రహంతో మధుకర్పై రేషన్ డీలర్ చేయిచేసుకున్నాడు.
లైవ్ వీడియో: లబ్ధిదారుడి చెంప చెళ్లుమనిపించి రేషన్ డీలర్
బాధితుడు మహదేవపూర్ పోలీస్ స్టేషన్లో ఫిర్యాదు చేశాడు. డీలర్ కొండల్రెడ్డి... దుర్భాషలాడుతూ, కొట్టినట్లు ఫిర్యాదు అందిందని పోలీసులు తెలిపారు. కేసు నమోదు చేసుకుని విచారణ చేస్తున్నామని పేర్కొన్నారు. లబ్ధిదారుడిపై చేయిచేసుకున్న వీడియో సామాజిక మాధ్యమాల్లో వైరల్గా మారింది.
ఇదీ చూడండి: ఆటో ఆర్టీసీ బస్సు ఢీ.. మహిళ మృతి
