కరీంనగర్ జిల్లా తిమ్మాపూర్ మండలంలోని పర్లపల్లికి చెందిన సూరం తిరుపతి రెడ్డి, అతని కుమారులు జనగాం సంపత్ రెడ్డి అనే వ్యక్తిపై కత్తితో దాడికి పాల్పడ్డారు. ఈ దాడిలో బాధితుడి మెడకు తీవ్ర గాయమైంది.
పర్లపల్లి గ్రామానికి చెందిన జనగాం సంపత్ రెడ్డి పొదుపు సంఘం ఎన్నికల్లో ఓటు హక్కు వినియోగించుకుని తిరిగి ఇంటికి వెళ్తున్నాడు. ఈ క్రమంలో సూరం తిరుపతిరెడ్డి అతన్ని దుర్భాషలాడాడు. ఇరువురి మధ్య మాటామాట పెరిగింది. విషయం తెలుసుకున్న తిరుపతి రెడ్డి కుమారులు నరేందర్ రెడ్డి, సురేందర్ రెడ్డి అక్కడికి చేరుకొని సంపత్ రెడ్డిపై కత్తితో దాడికి పాల్పడ్డారు. ఈ ఘటనలో సంపత్ రెడ్డి మెడకు తీవ్ర గాయం కాగా గమనించిన స్థానికులు అతన్ని కరీంనగర్లోని ప్రభుత్వ ఆసుపత్రికి తరలించారు. కుటుంబ సభ్యుల ఫిర్యాదు మేరకు ముగ్గురిపై పోలీసులు హత్యాయత్నం కేసు నమోదు చేశారు.
ఇదీ చదవండి: ఏవోబీలో పేలిన మందుపాతర.. జవానుకు తీవ్రగాయాలు
