ఆన్లైన్ పేకాట వ్యసనంగా మారడం వల్ల ఓ వ్యక్తి ఉద్యోగం పోయింది. అంతేకాదు మరో ప్రైవేటు కంపెనీలో చేరిన అతను 50 లక్షలు తీసుకుని ఉడాయించి... చివరకు కటకటాల పాలయ్యాడు. ఆంధ్రప్రదేశ్లోని శ్రీకాకుళంకు చెందిన నవీన్ బెంగళూర్లో బ్యాంకింగ్ సేవల్లో డిప్లొమా పూర్తి చేసి హైదరాబాద్లోని ఓ ప్రైవేట్ బ్యాంకులో అసిస్టెంట్ మేనేజర్గా చేరాడు. ఈ క్రమంలో ఆన్లైన్లో పేకాటకు బానిసై అప్పుల పాలయ్యాడు. చివరికి ఉన్న ఉద్యోగం పోగొట్టుకున్నాడు. 2020 జూన్లో పెద్ద అంబర్పేట్లో ఉన్న జేబీ ఇన్ఫ్రా స్థిరాస్తి సంస్థలో అసిస్టెంట్ మార్కెటింగ్ మేనేజర్గా చేరాడు.
ఈ నేపథ్యంలో కంపెనీ మేనేజర్ ఓ రోజు నవీన్కు 50 లక్షల రూపాయలు ఇచ్చి మరుసటి రోజు బ్యాంకులో జమ చేయాలని సూచించాడు. 50 లక్షలు తనతో తీసుకెళ్లిన నవీన్కు దురాలోచన పుట్టింది. తన వద్ద ఉన్న డబ్బుతో ఆన్లైన్లో పేకాట ఆడి ఒకే రోజు 12 లక్షలకు పైగా నష్టపోయాడు. మరుసటి రోజు కంపెనీ మేనేజర్ నుంచి ఫోన్ వచ్చినా స్పందించలేదు. వెంటనే తన వద్ద మిగిలి ఉన్న డబ్బులను తీసుకుని పలాసకు వెళ్లాడు. అక్కడ తన మామ రామకృష్ణకు రూ.5 లక్షలు ఇచ్చాడు. మిగిలిన డబ్బులను తీసుకుని మరొక బంధువు అమిత్ రెడ్డితో కలిసి కోల్కతా వెళ్లి జల్సా చేశాడు. జేబీ ఇన్ ఫ్రా సంస్థ మేనేజర్ ఫిర్యాదు మేరకు కేసు నమోదు చేసుకుని దర్యాప్తు చేపట్టిన పోలీసులు.. ముగ్గురు నిందితులను అరెస్ట్ చేసి రిమాండ్కు తరలించారు. నిందితుల నుంచి రూ.28.7 లక్షల నగదు, మూడు చరవాణులను స్వాధీనం చేసుకున్నారు.
ఇదీ చూడండి : టీకా ఇస్తామంటూ... బంగారం ఎత్తుకెళ్లారు
