మహబూబ్‌నగర్‌ జిల్లా కేంద్రంలో.. ఓ వ్యక్తి దారుణ హత్యకు గురయ్యాడు. ఎనుగొండకు చెందిన మిట్టే నరసింహులు(40)ను.. బంధువులు రాళ్లతో కొట్టి దారుణంగా హతమార్చారు. సమాచారం అందుకున్న డీఎస్పీ శ్రీధర్‌.. ఘటనా స్థలాన్ని పరిశీలించారు. హత్యపై స్థానికులను ఆరా తీశారు.
మృతుడు ఓ హత్య కేసులో నిందితుడిగా ఉన్నట్లు పోలీసులు గుర్తించారు. సంవత్సరం పాటు శిక్ష అనుభవించి.. ఇటీవలే జైలు నుంచి విడుదలైనట్లు తెలిపారు. కేసు నమోదు చేసుకొని దర్యాప్తు చేపట్టారు. మృతదేహాన్ని పోస్టుమార్టం నిమిత్తం.. ప్రభుత్వాసుపత్రికి తరలించారు.
ఇదీ చదవండి: విషాదం: యువకుడి ప్రాణం తీసిన ఈత సరదా
