హైదరాబాద్ నగర శివారులో దారుణం చోటు చేసుకుంది. రంగారెడ్డి జిల్లా శంకరపల్లి మండలం జన్వాడ గ్రామంలో టెంట్ హౌస్, సామాగ్రి మంటల్లో దగ్ధమయ్యాయి. శుక్రవారం ఉదయం తెల్లవారుజామున టెంట్హౌస్ సామాగ్రి ఉన్న గది నుంచి మంటలు ఎగిసిపడుతుండటాన్ని గమనించిన స్థానికులు వెంటనే అప్రమత్తమై... మంటలార్పారు. మూడు గంటలు పాటు శ్రమించి మంటలను అదుపులోకి తీసుకొచ్చారు.
తలారి బాగయ్య కుటుంబం టెంట్ హౌస్తోనే జీవనం సాగిస్తోంది. టెంట్ హౌస్ పూర్తిగా కాలిపోవడంతో బాధితులు గుండెలవిసేలా ఏడ్చారు. ఫిర్యాదు అందుకున్న పోలీసులు ఘటనాస్థలానికి చేరుకున్నారు. ఆధారాలు సేకరించి కేసు నమోదు చేసి దర్యాప్తు చేస్తున్నట్లు వెల్లడించారు. రూ.25లక్షల టెంట్ సామాగ్రి దగ్ధమైనట్లు గుర్తించారు. ఎవరైనా కావాలనే ఈ పని చేశారా? లేదా మరేదైనా ప్రమాదం జరిగి మంటలు అంటుకున్నాయా అనే కోణంలో పోలీసులు దర్యాప్తు చేస్తున్నారు.
ఇదీ చూడండి: ఎస్బీఐ బ్యాంక్లో అగ్ని ప్రమాదం.. కంప్యూటర్లు, దస్త్రాలు దగ్ధం
