RTC Bus Accident Chinthakani : భూపాలపల్లి జిల్లా కాటారం మండలంలో ఆర్టీసీ బస్సు ప్రమాదానికి గురైంది. చింతకాని మూల మలువు వద్ద ఇసుక లారీని వెనుక నుంచి ఆర్టీసీ బస్సు ఢీ కొట్టింది. భూపాలపల్లి డిపోకు చెందిన బస్సు కాళేశ్వరం నుంచి భూపాలపల్లి వైపు వెళ్తున్న క్రమంలో ఘటన చోటు చేసుకుంది. ఈ ప్రమాదంలో 15 మందికి గాయాలయ్యాయి. వీరిలో నలుగురి పరిస్థితి విషమంగా ఉంది.
వరంగల్ ఎంజీఎం బాధితుల తరలింపు..
కాటారం సీఐ రంజిత్ రావు ఘటనా స్థలానికి చేరుకొని విషయం ఆరా తీశారు. క్షతగాత్రులను స్థానికుల సాయంతో మహదేవపూర్ ఆస్పత్రికి తరలించారు. అక్కడ ప్రాథమిక చికిత్స అందించారు. అనంతరం మెరుగైన వైద్యం కోసం వరంగల్ ఎంజీఎం ఆస్పత్రికి తరలించారు.
ఇదీ చదవండి: Theft in three Temples : మూడు ఆలయాల్లో చోరీ.. విగ్రహాలు, నగదు అపహరణ
