ఒకరికి ఒకరు తోడుగా...ప్రచారంలో అండగా

శాసనసభ ఎన్నికల్లో విజయం కోసం ఎవరికి వారు రాత్రింబవళ్లు శ్రమించారు. ఇప్పుడు పార్లమెంటు పోరులో పార్టీ అభ్యర్థి కోసం కృషి చేస్తున్నారు. 16 ఎంపీల లక్ష్యానికి అనుగుణంగా...వరంగల్​లో భారీ ఆధిక్యం సాధించేందుకు ఎమ్మెల్యేలు నిర్విరామ ప్రచారాల్లో మునిగితే... మంత్రి సుడిగాలి పర్యటనలు చేస్తున్నారు.

ఒకరికి ఒకరూ తోడుంటే... ఒకటిగా ముందుకు వెళ్తుంటే... విజయం మనదే అని పాడుకుంటూ ఎన్నికల ప్రచారంలో మునిగిపోయారు తెరాస ఎమ్మెల్యేలు. వరంగల్ పార్లమెంటు నియోజకవర్గ పరిధిలో ఆరుగురు ఎమ్మెల్యేలు, గెలుపుపై ధీమా ఉన్నప్పటికీ...ఎక్కడా పొరపాటు జరగకుండా సభలు, సమావేశాలు, ఇంటింటికీ ప్రచారంతో పసునూరి దయాకర్ గెలుపు కోసం నిర్విరామ కృషి చేస్తున్నారు.

భారీ ఆధిక్యమే లక్ష్యం

వరంగల్ పార్లమెంటు నుంచి పసునూరి దయాకర్ గెలుపును ప్రతిష్ఠాత్మకంగా తీసుకున్న జిల్లా మంత్రి ఎర్రబెల్లి దయాకరరావు సుడిగాలి పర్యటనలు చేస్తున్నారు. నియోజవర్గ విస్తృత స్థాయి సమావేశాల్లో కార్యకర్తలకు దిశానిర్ధేశం చేస్తున్నారు. గెలుపు ఖాయమైనప్పటికీ... భారీ ఆధిక్యమే లక్ష్యంగా గులాబీ శ్రేణులు సైనికుల్లా పనిచేయాలని పిలుపునిచ్చారు. ఏప్రిల్ 2న ముఖ్యమంత్రి హాజరుకానున్న ప్రచార సభకు అధిక సంఖ్యలో జనసమీకరణ చేసి సత్తా చాటాలని ఎమ్మెల్యేలు ఉవ్విళ్లూరుతున్నారు.

మంత్రి, ఎమ్మెల్యేలు, నేతలు ఏకతాటిపైకి వచ్చి పసునూరి దయాకర్​ను మరోసారి భారీ ఆధిక్యంతో గెలిపించుకునేందుకు అలుపెరగకుండా పనిచేస్తున్నారు.

ఇవీ చూడండి:తల్లి మరణ వార్త విని గుండె ఆగింది..