కాంగ్రెస్ను గెలిపిస్తేనే స్థానిక సంస్థల ప్రజాప్రతినిధుల విలువ పెరుగుతుందని మాజీ ఎమ్మెల్సీ భూపతిరెడ్డి నిజామాబాద్ జిల్లా కాంగ్రెస్ భవన్లో పేర్కొన్నారు. అక్టోబర్ 9న జరిగే ఎమ్మెల్సీ ఎన్నికల్లో కాంగ్రెస్ను గెలిపించాలని విజ్ఞప్తి చేశారు. తెరాస అధికారంలోకి వచ్చి ఆరేళ్లు గడిచినా.. జిల్లా పరిషత్, మండల పరిషత్లకు నిధులు రాలేదని.. కాంగ్రెస్ హయాంలో ప్రవేశపెట్టిన ప్రణాళికల నిధులు మాత్రమే వచ్చాయని ఆయన ఆరోపించారు.
జిల్లా నుంచి తెరాసకు చెందిన 9 మంది ఎమ్మెల్యేలు, నలుగురు ఎమ్మెల్సీలు ఉన్నప్పటికీ నిజామాబాద్లో అభివృద్ధి జరగట్లేదని భూపతిరెడ్డి విమర్శించారు. ప్రజల పక్షపాతి అయిన కాంగ్రెస్ పార్టీకి స్థానిక ప్రజా ప్రతినిధులు అండగా నిలవాలని... ఎన్నికల్లో హస్తం జెండా ఎగురవేయాలని భూపతిరెడ్డి విజ్ఞప్తి చేశారు.
ఇదీ చూడండి:- ఐఆర్సీటీసీలో 15-20 శాతం వాటా విక్రయం!
