ఆ తహసీల్దార్​ చెప్పడమే కాదు.. చేసి చూపించాడు

చెప్పేవాడికి వినేవాడు లోకువ.. అనే సామెతకు భిన్నంగా చేసి చూపించాడు ఖమ్మం జిల్లా కామేపల్లి తహసీల్దార్​. సిబ్బందితో కలిసి రైతులకు మెళుకువలు చెప్పిన ఆయన... స్వయంగా ట్రాక్టర్​తో పొలం దున్ని అందర్నీ ఆశ్చర్చపరిచారు.

ఖమ్మం జిల్లా కామేపల్లిలో ఓ ఆసక్తికర సంఘటన చోటుచేసుకుంది. వ్యవసాయంపై మక్కువతో తహసీల్దార్ కనకం​ నరసింహారావు ట్రాక్టర్​తో పొలం దున్నారు. తన సిబ్బందితో కలిసి రైతులకు వ్యవసాయంపై సలహాలు, సూచనలు ఇచ్చిన తహసీల్దార్​... అనతరం పొలంలోకి దిగి అందరినీ ఆశ్చర్యపరిచారు. వ్యవసాయంలో మెళుకువలు చెప్పిన అధికారే స్వయంగా పనులు చేసి చూపించి రైతులను ఉత్సాహపరిచారు.

ఇదీ చూడండి: ఖాళీ స్థలంలో ఉస్మానియా ఆసుపత్రి భవనాలు నిర్మించాలి: ఉత్తమ్