ఆపదలో ఉన్నవారికి ఆపన్నహస్తంగా నిలుస్తున్న సినీనటుడు సోనూసూద్.. సోషల్ మీడియాలో చాలా యాక్టీవ్గా ఉంటారు. కరీంనగర్కు చెందిన కన్నయ్య పెట్టిన ఫైక్సీపై సోనూ.. స్పందిచిన తీరు ఇప్పుడు సోషల్మీడియాలో వైరల్ అవుతోంది. మాంసం దుకాణాన్ని నిర్వహించే కన్నయ్య... తన సంపాదనలో కొంతమేర సోనూసూద్ ట్రస్ట్కు కేటాయిస్తున్నట్లు ప్రకటించాడు. కిలో మాంసం అమ్మితే వచ్చే సొమ్ములో 50 రూపాయలు.. సోనుసూద్‌ ట్రస్ట్కు ఇస్తానని నిర్ణయించుకున్నాడు. తాను చేయదలుచుకున్న ఈ పనికి ప్రజలకు తెలిసేలా.. దుకాణం ముందు ఓ ఫ్లెక్సీని ఏర్పాటు చేశాడు. ఆ ఫెక్సీపై సోనుసూద్‌ చిత్రాన్ని కూడా ముద్రించారు.
ఈ ఫ్లెక్సీ ఫొటో సామాజిక మాధ్యమాల్లో చక్కర్లు కొడుతూ సోనూకు చేరింది. ఫొటో చూసిన సోనూ.. కొంత అసంతృప్తి వ్యక్తం చేశారు. తనదైన శైలిలో చమత్కరిస్తూ స్పందించారు. "పూర్తిగా శాఖహారినైన నా పేరు మీద మటన్ దుకాణమా..? నా పేరుతో మాంసపు దుకాణం వద్దు. అవసరమైతే శాఖహార వ్యాపారం కోసం నేను ఆర్థిక సాయం చేస్తా." అంటూ సోషల్ మీడియాలో స్పందించాడు సోనూ. నిజానికి... ఆ దుకాణం కన్నయ్య పేరు మీదే ఉండగా... సోనూకు మాత్రం తన పేరుపైనే ఉందనుకుని స్పందించారు.
ఈ అపార్థానికంతటికీ కారణం.. ఆ ఫ్లెక్సీ తెలుగులో ఉండటమే కావచ్చని కన్నయ్య అభిప్రాయపడ్డారు. తన దుకాణానికి సోనూసూద్ పేరు పెట్టలేదని స్పష్టం చేశారు. తాను మాత్రం సోనూసూద్ ట్రస్ట్కు సాయం చేస్తామని తెలిపారు.
