కరీంనగర్ ఎంపీ కార్యాలయంలో దీక్ష చేస్తున్న భాజపా రాష్ట్ర అధ్యక్షుడు, ఎంపీ బండి సంజయ్.. దీక్ష విరమించారు. సంజయ్కు నిమ్మరసం ఇచ్చి జితేందర్ రెడ్డి, వివేక్ వెంకటస్వామి దీక్ష విరమింపజేశారు. షుగర్ లెవల్స్ 55కు పెరిగిపోవడం వల్ల పార్టీ శ్రేణులు ఆందోళన చెందారు. హుటాహుటిన ప్రభుత్వ వైద్యులు సంజయ్కు ఫ్లూయిడ్స్ ఎక్కించారు. చికిత్స కోసం స్థానికంగా ఓ ప్రైవేటు ఆసుపత్రికి తరలించారు. సిద్దిపేట సీపీని సస్పెండ్ చేయాలని ఆసుపత్రి వద్ద రోడ్డుపై బైఠాయించి భాజపా పార్టీ శ్రేణులు ఆందోళనకు దిగారు.
సిద్దిపేటకు వెళ్తుండగా తనపై చేయి చేసుకున్న సీపీని సస్పెండ్ చేయాలనే డిమాండ్తో సోమవారం సాయంత్రం కరీంనగర్ ఎంపీ కార్యాలయంలో బండి సంజయ్ దీక్షకు కూర్చున్నారు. కార్యాలయానికి పెద్ద ఎత్తున తరలివచ్చిన భాజపా శ్రేణులు సంజయ్ ఆరోగ్యం క్షీణిస్తోందని, రాష్ట్ర వ్యాప్తంగా భాజపా కార్యకర్తలు ఆందోళనలు చేపట్టారు.
