వార్డు వాలంటీర్... దొంగగా మారాడు
ఏపీలోని కృష్ణాజిల్లా జగ్గయ్యపేటలో వార్డు వాలంటీర్ చైన్ స్నాచర్గా మారాడు. వృద్ధురాలిని మాటల్లో పెట్టి మెడలో గొలుసు ఎత్తుకెళ్లాడు. జగ్గయ్యపేటలోని ఆకులవారి వీధికి చెందిన వార్డు వాలంటీర్ నరేష్ ఈ దారుణానికి పాల్పడ్డాడు. వృద్ధురాలిని ఆధార్కార్డు తీసుకురమ్మని.. ఆమె లోనికి వెళ్తుండగా మెడలో బంగారు గొలుసును లాక్కొని పరారయ్యాడు. బాధితురాలు వరలక్ష్మి ఇచ్చిన ఫిర్యాదుతో పట్టణ పోలీసులు కేసు నమోదు చేశారు. వార్డు వాలంటీర్ పరారీలో ఉన్నాడని పోలీసులు తెలిపారు.
ఇవీ చూడండి: నేను లంచగొండిని కాదని చెప్పుకున్నా.. సమస్యేనా
