బ్యాంకుల ముందు చెత్త వేయడంపై స్పందించిన కేంద్ర ఆర్థిక మంత్రి

కృష్ణా జిల్లాలో బ్యాంకుల ఎదుట పారిశుద్ధ్య కార్మికులు చెత్తపోసిన ఘటనపై కేంద్ర ఆర్థిక మంత్రి నిర్మలా సీతారామన్ స్పందించారు. బ్యాంకు సిబ్బందికి, వినియోగదారులకు ఇబ్బంది కలిగించిన విషయాన్ని ఏపీ ఆర్థిక మంత్రి బుగ్గన రాజేంద్రనాథ్‌రెడ్డితో మాట్లాడానని ఆమె ట్వీట్ చేశారు.

రుణాలివ్వడం లేదని కృష్ణా జిల్లాలోని బ్యాంకుల ఎదుట పారిశుద్ధ్య కార్మికులు చెత్తపోసిన ఘటనపై కేంద్ర ఆర్థిక మంత్రి నిర్మలా సీతారామన్ స్పందించారు. దీనిపై ఏపీ ఆర్థిక మంత్రి బుగ్గన రాజేంద్రనాథ్‌రెడ్డితో మాట్లాడినట్లు పేర్కొన్నారు. బ్యాంకు సిబ్బందికి, వినియోగదారులకు ఇబ్బంది కలిగించిన విషయాన్ని ఆయనతో చెప్పగా, తగిన చర్యలు తీసుకుంటానని హామీనిచ్చారని కేంద్ర మంత్రి ట్వీట్​ చేశారు.

• At 15:15 hrs today, spoke to Finance Minister @IamBuggana garu on garbage dumped at the entrance of bank branches in Krishna Dist, AP, inconveniencing staff & customers. He assured me that all steps will be taken to ensure safety for all. @PIB_India @pibvijayawada @DFS_India pic.twitter.com/QcMb8oFLzk

  — Nirmala Sitharaman (@nsitharaman) December 24, 2020 " class="align-text-top noRightClick twitterSection" data="

  At 15:15 hrs today, spoke to Finance Minister @IamBuggana garu on garbage dumped at the entrance of bank branches in Krishna Dist, AP, inconveniencing staff & customers. He assured me that all steps will be taken to ensure safety for all. @PIB_India @pibvijayawada @DFS_India pic.twitter.com/QcMb8oFLzk

  — Nirmala Sitharaman (@nsitharaman) December 24, 2020

  ">

  At 15:15 hrs today, spoke to Finance Minister @IamBuggana garu on garbage dumped at the entrance of bank branches in Krishna Dist, AP, inconveniencing staff & customers. He assured me that all steps will be taken to ensure safety for all. @PIB_India @pibvijayawada @DFS_India pic.twitter.com/QcMb8oFLzk

  — Nirmala Sitharaman (@nsitharaman) December 24, 2020

ఏం జరిగిందంటే

కృష్ణా జిల్లాలోని విజయవాడ, మచిలీపట్నం, ఉయ్యూరులో ఉన్న బ్యాంకుల ఎదుట గురువారం పారిశుద్ధ్య కార్మికులు చెత్త పోశారు. విజయవాడలోని మూడు యూబీఐ శాఖలు (పూర్వ ఆంధ్రాబ్యాంకు), సింగ్‌నగర్‌ ఎస్‌బీఐ, ఉయ్యూరులోని యూబీఐ, ఎస్‌బీఐ, సిండికేట్‌, కార్పొరేషన్‌ బ్యాంకులు, మచిలీపట్నంలోని యూబీఐ శాఖల ముందు చెత్త పోశారు. రుణాలు ఇవ్వనందుకు నిరసనగా ఇలా చేసినట్లు ఉయ్యూరులోని ఎస్‌బీఐ గేటుకు ఏకంగా పురపాలక కమిషనర్‌ పేరుతో కాగితం అంటించారు.

ఉన్నతాధికారుల ఆదేశాల మేరకే వేశామని పారిశుద్ధ్య కార్మికులు చెబుతున్నారు. విజయవాడ సీతారాంపురం, సింగ్‌నగర్‌ బ్యాంకుల ఎదుట నగరపాలిక వాహనాల నుంచి చెత్త పోసిన చిత్రాలు సామాజిక మాధ్యమాల్లో వైరల్​ అయ్యాయి. చివరకు పురపాలక ఉన్నతాధికారుల ఆదేశాలతో సిబ్బంది వాటిని తొలగించారు.

ఇదీ చదవండి : అధికారుల నిర్వాకం..రుణమివ్వలేదని బ్యాంకుల ముందు 'చెత్త' !