అద్దె ఇళ్లలో నివాసముంటున్న వారు కరోనా నుంచి కోలుకున్నా కష్టాలు మాత్రం వెంటాడుతున్నాయి. ఇంట్లో ఒకరికి కరోనా నిర్ధరణ కావడం.. మిగతా కుటుంబ సభ్యులు హోం క్వారంటైన్ అయి తిరిగి ఇంటికి వస్తే లోపలికి రానీయకుండా యజమాని ఇబ్బందులు పెడుతున్నారు.
తాజాగా తిరుపతిలోని సుందరయ్య నగర్లో ఓ వ్యక్తికి కరోనా పాజిటివ్ రాగా... అతని కుటుంబం మొత్తాన్ని క్వారంటైన్కు తరలించారు. కొన్ని రోజులున్న తర్వాత తిరిగి ఇంటికి చేరుకున్నారు. కానీ అద్దె ఇంట్లో ఉంటున్న వీరిని ఇంటి యజమాని లోపలికి అనుమతించలేదు. పోలీసులు, వార్డు వాలంటీర్లు చెప్పినా వినిపించుకోకుండా ఇంటికి తాళాలు వేసుకుని వెళ్లిపోయాడు. అతని ప్రవర్తనతో ఓ మహిళ, తన ఇద్దరు కుమార్తెలతో ఇంటి బయటే పడిగాపులు కాస్తోంది. తమను ఇంటి లోపలికి వెళ్లనివ్వాలని వేడుకుంటోంది.
ఇదీ చదవండి
