కరోనా బారిన పడిన పాత్రికేయులకు అన్ని విధాల అండగా ఉంటామని తెలంగాణ రాష్ట్ర మీడియా అకాడమీ ఛైర్మన్ అల్లం నారాయణ పేర్కొన్నారు. వైరస్ బారిన పడిన ముప్పై మంది జర్నలిస్టులకు రూ.20 వేల చొప్పున ఆరు లక్షల రూపాయల ఆర్థికసాయం అందజేశామని తెలిపారు.
హోంక్వారైంటైన్లో ఉన్న 13 మంది పాత్రికేయులకు 10 వేల రూపాయల చొప్పున రూ.1,30,000 అందించామని అల్లం నారాయణ తెలిపారు. ఇప్పటి వరకు మొత్తం 7,30,000 రూపాయలు అకాడమీ నిధుల నుంచి ఇచ్చామని వివరించారు. వైరస్ వ్యాప్తి నేపథ్యంలో జర్నలిస్టులు అప్రమత్తంగా ఉండాలని సూచించారు.
ఇవీ చూడండి: నిత్యావసర ధరల పెరుగుదలపై హైకోర్టుకు నివేదిక
