ఉన్నత విద్య ప్రవేశ పరీక్షల షెడ్యూల్ విడుదల

ప్రవేశ పరీక్షల షెడ్యూలును రాష్ట్ర ఉన్నత విద్యామండలి ప్రకటించింది. అన్ని సెట్లకు సంబంధించిన తేదీలను... ఉన్నత విద్యామండలి ఛైర్మన్‌ పాపిరెడ్డి విడుదల చేశారు. మే నెలలోనే అన్ని ప్రవేశ పరీక్షలు నిర్వహించనున్నారు.

2020-21విద్యా సంవత్సరానికి సంబంధించిన ప్రవేశ పరీక్షల షెడ్యూల్‌ను రాష్ట్ర ఉన్నత విద్యామండలి ప్రకటించింది. ఎంసెట్, ఈసెట్, పీజీఈసెట్, ఐసెట్, లాసెట్, పీఈసెట్, ఎడ్‌సెట్ తేదీలను ఉన్నత విద్యామండలి ఛైర్మన్‌ పాపిరెడ్డి విడుదల చేశారు.

ఎంసెట్, ఈసెట్ నిర్వహణ బాధ్యతలు జేఎన్​టీయూకి, పీజీఈసెట్, లాసెట్, పీజీఎల్​ సెట్, ఎడ్ సెట్ బాధ్యతలు ఉస్మానియా విశ్వవిద్యాలయానికి, ఐసెట్ కాకతీయకు, పీఈసెట్ బాధ్యతలు మహాత్మగాంధీ విశ్వవిద్యాలయానికి అప్పగిస్తామని తెలిపారు. అన్ని ప్రవేశపరీక్షలు ఆన్‌లైన్‌లో జరుగుతాయని స్పష్టం చేశారు.

షెడ్యూలు

ఈసెట్	మే 2
ఇంజినీరింగ్ ఎంసెట్	మే 5, 6, 7
అగ్రికల్చర్, ఫార్మసీ ఎంసెట్	మే 9, 11
పీఈసెట్	మే 13
ఐసెట్	మే 20, 21
ఎడ్‌సెట్	మే 23
లాసెట్, పీజీలాసెట్	మే 25
పీజీఈసెట్	మే 27 నుంచి 30

ఇదీ చూడండి: వైకల్యమే సిగ్గుపడేలా.. తోటివారికి సమానంగా..