'కోర్టులు తెరిచాకే.. 111జీవో వివాదంపై విచారణ'

న్యాయస్థానాలు తెరిచాక 111 జీవో వివాదంపై విచారణ చేపడతామని హైకోర్టు పేర్కొంది. ఈ జీవోకు సంబంధించి సుమారు వందకుపైగా పిటిషన్లు పెండింగ్​లో ఉన్నాయని ధర్మాసనం తెలిపింది.

కోర్టులు తెరిచాక 111జీవో వివాదంపై సీరియస్​గా విచారణ చేపడతామని హైకోర్టు పేర్కొంది. ట్రిపుల్ వన్​ జీవోకు సంబంధించి సుమారు వందకుపైగా పిటిషన్లు పెండింగ్​లో ఉన్నాయని ధర్మాసనం తెలిపింది.

జీవో నంబర్​111కి విరుద్ధంగా శంషాబాద్​లో అగర్వాల్​ అనే వ్యక్తి భవనం నిర్మిస్తున్నారని ధర్మారావు అనే వ్యాపారి దాఖలు చేసిన ప్రజాప్రయోజన వ్యాజ్యంపై హైకోర్టు విచారణ చేపట్టింది. 111జీవో పరిధిలో శంషాబాద్​ విమానాశ్రయం సహా అనేక నిర్మాణాలుండగా.. ఆ ఒక్క నిర్మాణంపైనే పిల్​ వేయడమేంటని జస్టిస్ ఆర్​ఎస్​ చౌహాన్​, జస్టిస్​ విజయ్​సేన్​ రెడ్డిలతో కూడిన ధర్మాసనం ప్రశ్నించింది. వ్యక్తిగత, రాజకీయ ప్రయోజనాల కోసం ప్రజా ప్రయోజన వ్యాజ్యాలు వినియోగించవద్దని హైకోర్టు స్పష్టం చేసింది.

• ఇదీ చూడండి : 'మెడికల్ హబ్​గా హైదరాబాద్​ మహానగరం'