ఏపీ విశాఖలో 'శ్రీమతి వైజాగ్' పోటీల ఆడిషన్స్

ఆంధ్రప్రదేశ్​లోని విశాఖలోని ఓ హోటల్​లో శ్రీమతి వైజాగ్ పోటీలకు ఆడిషన్స్ జరిగాయి. ఎంపికైన వారికి ఏప్రిల్ 17న ఫైనల్ పోటీలు నిర్వహించనున్నట్లు నిర్వాహకులు తెలిపారు.

శ్రీమతి వైజాగ్ పోటీలకు సంబంధించి ఆంధ్రప్రదేశ్​ విశాఖలోని ఓ హోటల్‌లో ఆడిషన్స్ జరిగాయి. 30 మందికి పైగా మహిళలు ఈ కార్యక్రమంలో పాల్గొన్నారు. తేజస్ ఎలెవెన్ సంస్థ ఆధ్వర్యంలో మొదటిసారి విశాఖలో ఈ పోటీలు నిర్వహించారు.

ఆడిషన్స్​లో ఎంపికైన వారికి ఏప్రిల్ 17న ఫైనల్‌ పోటీలు నిర్వహించనున్నట్లు నిర్వాహకులు తెలిపారు. ఫైనల్స్​కు సినీ నటులు కామ్నా జెఠ్మలాని, బాబూమోహన్, జబర్ధస్త్ టీమ్​కు చెందిన కొందరు హాజరవ్వనున్నట్లు నిర్వాహకులు పేర్కొన్నారు.

ఇవీచదవండి: ఈ టీచరమ్మ చేస్తున్న సేవకు జేజేలు పలకాల్సిందే..!