ఇసుక రీచ్లు సబ్ లీజుకు ఇప్పిస్తానని ఆంధ్రప్రదేశ్లోని కాకినాడ వాసి సతీశ్ ఘరానా మోసానికి తెరలేపాడు. రీచ్లు కట్టబెటతామని పలువురి నుంచి రూ.3.5 కోట్లు వసూలు చేశారు. ఈ క్రమంలో గనులశాఖ ముఖ్య కార్యదర్శి గోపాలకృష్ణ ద్వివేది సంతకాన్ని ఫోర్జరీ చేసి నకిలీ డాక్యుమెంట్లను సృష్టించాడు. గోపాలకృష్ణ ద్వివేది సంతకం ఫోర్జరీ చేసిన సతీశ్... సంబంధించిన దస్త్రాలను సైతం ఏర్పాటు చేశాడు.
సబ్ రీచ్లు ఇప్పిస్తానని..
ఏపీలోని కాకినాడకు చెందిన రామకృష్ణ సతీష్ కుమార్ తనకు జేపీ గ్రూప్ నుంచి ఇసుక రీచ్ల కాంట్రాక్ట్ వచ్చిందని నమ్మిస్తూ పలువురి నుంచి భారీగా నగదు వసూలు చేశాడు. ఇసుక రీచ్లను సబ్ లీజ్కు ఇస్తామని చెప్పి ఇవ్వకపోవటంతో.. బాధితులు విషయాన్ని జేపీ గ్రూప్ అధికారుల దృష్టికి తీసుకెళ్లారు.
ఫోర్జరీ అని గుర్తించారు..
ఈ క్రమంలో నిందితుడు గనుల శాఖ ముఖ్య కార్యదర్శి గోపాల కృష్ణ ద్వివేది సంతకం ఫోర్జరీ చేసి నకిలీ డాక్యుమెంట్స్ సృష్టించాడని గుర్తించారు. స్పందించిన జేపీ గ్రూప్ మేనేజర్ హర్షకుమార్ విజయవాడలోని భవానీపురం పోలీస్‌ స్టేషన్‌లో ఫిర్యాదు చేశారు.
సతీశ్ కోసం గాలిస్తున్నాం : పోలీసులు
అనంతరం కేసు నమోదు చేసి నిందితుడి కోసం గాలిస్తున్నట్లు పోలీసులు పేర్కొన్నారు. ఇప్పటివరకు ఏడుగురు నుంచి సుమారు రూ. 3.5 కోట్ల మేర నగదు వసూలు చేసినట్లు పోలీసులు గుర్తించారు. గతంలోనూ ఇదే తరహాలోనే మరో పీఎస్లోనూ కేసు నమోదైనట్లు వెల్లడించారు.
