'ప్యాకేజీతో పేదలకు ఉపయోగం లేదు'

కేంద్రం ప్రకటించిన ఆర్థిక ప్యాకేజీతో పేదలకు ఎలాంటి ఉపయోగం లేదని పీసీసీ అధ్యక్షుడు ఉత్తమ్‌ విమర్శించారు. కరోనాను అడ్డం పెట్టుకుని కేంద్రం అన్ని రంగాలను ప్రైవేటుపరం చేయాలని చూస్తోందని ఆరోపించారు.

లాక్‌డౌన్‌ సమయంలో వలస కార్మికులను ఆదుకోవాలని తెలంగాణ పీసీసీ అధ్యక్షుడు ఉత్తమ్‌కుమార్‌రెడ్డి కాంగ్రెస్‌ శ్రేణులకు సూచించారు. స్వస్థలాలకు వెళ్లేందుకు వాహనాల ఏర్పాటు, భోజన వసతి కల్పించేందుకు చొరవ తీసుకోవాలన్నారు. గాంధీభవన్‌లో కొవిడ్‌-19 టాస్క్‌ఫోర్స్‌ కమిటీ వీడియో కాన్ఫరెన్స్‌లో పాల్గొన్న ఉత్తమ్‌.. పార్టీ శ్రేణులకు పలు సూచనలు చేశారు.

ఇప్పటివరకు నేతలు, కార్యకర్తలు పేదలకు చేసిన సేవా కార్యక్రమాలతో ఓ నివేదిక సిద్ధం చేయాలన్నారు. కేంద్రం ప్రకటించిన ఆర్థిక ప్యాకేజీతో పేదలకు ఎలాంటి ఉపయోగం లేదన్నారు. కరోనాను అడ్డం పెట్టుకుని మోదీ సర్కార్‌ అన్నిరంగాలను ప్రైవేటుపరం చేయాలని చూస్తోందని ఉత్తమ్‌ ఆరోపించారు.

ఇవీ చూడండి: రాష్ట్రంలో రేపటి నుంచి ఆర్టీసీ బస్సులు!