గిరిజన బాలిక హత్యాచారంపై జాతీయ బాలల హక్కుల కమిషన్​ విచారణ

హైదరాబాద్​లోని సైదాబాద్, ఖాజాబాగ్​లో జాతీయ బాలల హక్కుల పరిరక్షణ కమిషన్ పర్యటించింది. సైదాబాద్ పీఎస్ పరిధిలో జరిగిన గిరిజన బాలిక హత్య, అత్యాచారంపై కమిషన్ విచారణ చేపట్టింది. పోలీసుల నిర్లక్ష్యంపై విచారణ చేస్తామని కమిషన్ సభ్యుడు ఆర్జీ ఆనంద్​ తెలిపారు

హైదరాబాద్​లోని సైదాబాద్ పీఎస్ పరిధిలో జరిగిన గిరిజన బాలిక హత్య, అత్యాచారంపై జాతీయ బాలల హక్కుల పరిరక్షణ కమిషన్ విచారణ చేపట్టింది. సైదాబాద్, ఖాజాబాగ్​లో పర్యటించిన కమిషన్​ సభ్యులు... బాధిత కుటుంబాన్ని పరామర్శించారు. న్యాయం జరిగేలా చూస్తామని భరోసా ఇచ్చారు.

పోలీసు, వైద్య శాఖలు ఈ ఘటనపై సమగ్ర నివేదిక ఇవ్వాలని కమిషన్ సభ్యుడు ఆర్జీ ఆనంద్​ ఆదేశించారు. ఈ కేసులో పోలీసుల నిర్లక్ష్యంపై విచారణ చేస్తామని ఆనంద్​ తెలిపారు. హైదరాబాద్ కలెక్టర్​తో చర్చించి బాధిత కుటుంబానికి పరిహారం ఇచ్చే వెళ్తానని స్పష్టం చేశారు.

ఇదీ చూడండి: కన్నబిడ్డలకు భారం కావొద్దని.. కానరానిలోకాలకు..