రెవెన్యూ బిల్లు ఆమోదంతో సీఎం కేసీఆర్​కు అభినందనల వెల్లువ

శాసనసభలో రెవెన్యూ బిల్లుకు ఏకగ్రీవంగా ఆమోదించడంతో మంత్రులు, ఎమ్మెల్యేలు సీఎం కేసీఆర్​కు శుభాకాంక్షలు తెలిపారు. రాష్ట్రంలో సంస్కరణలకు కేసీఆర్... మారుపేరని కొనియాడారు. బిల్లు ఆమోదంతో తెలంగాణ భవన్‌లో తెరాస శ్రేణులు సంబురాలు చేశాయి.

రాష్ట్ర రెవెన్యూ శాఖలో కీలక ముందడుగు పడింది. నూతన రెవెన్యూ బిల్లును శాసనసభ ఏకగ్రీవంగా ఆమోదించింది. రెవెన్యూ బిల్లుతో పాటు పలు బిల్లులకు సభ ఆమోదముద్ర వేసింది. రెవెన్యూ బిల్లు ఆమోదంతో మంత్రులు, ఎమ్మెల్యేలు సీఎం కేసీఆర్​కు అభినందనలు తెలిపారు. రెవెన్యూ శాఖలో సంస్కరణలు మొదలయ్యాయని పేర్కొన్నారు. రాష్ట్రంలో సంస్కరణలకు కేసీఆర్​ మారు పేరని కొనియాడారు. శాసనసభలో ముఖ్యమంత్రి విజయచిహ్నం ప్రదర్శించారు.

కొత్త రెవెన్యూ బిల్లు ఆమోదంతో తెలంగాణ భవన్‌లో తెరాస శ్రేణులు సంబురాలు జరుపుకున్నాయి. బాణాసంచా కాల్చి హర్షం వ్యక్తం చేశాయి.

ఇదీ చదవండి: నూతన రెవెన్యూ బిల్లుకు శాసనసభ ఏకగ్రీవ ఆమోదం