గచ్చిబౌలిలో థర్మో ఫిషర్ సైంటిఫిక్ సంస్థ.. 450 మందికి ఉపాధి

Thermo Fisher Scientific Lab in Hyderabad : గ్లోబల్ కేపబిలిటీ సెంటర్లకు హైదరాబాద్‌ మంచి ప్రదేశమని రాష్ట్ర ఐటీ, పరిశ్రమల శాఖల మంత్రి కేటీఆర్ ఉద్ఘాటించారు. 2030లోపు లైఫ్‌ సైన్సెస్ రంగంలో 100 బిలియన్ డాలర్ల సాధనే లక్ష్యంగా కృషి చేస్తున్నట్లు తెలిపారు. హైదరాబాద్ గచ్చిబౌలిలో థర్మో ఫిషర్ సైంటిఫిక్ సంస్థ పరిశోధనా కేంద్రం ప్రారంభోత్సవంలో పాల్గొన్నారు. ఈ సంస్థ ద్వారా 450 మంది ఇంజినీర్లకు ఉపాధి కలగనున్నట్లు వెల్లడించారు.

Thermo Fisher Scientific Lab in Hyderabad : ప్రపంచ స్థాయి సంస్థల పరిశోధనా కేంద్రాల ఏర్పాటుకు హైదరాబాద్‌ గమ్యస్థానంగా ఎదుగుతోందని రాష్ట్ర ఐటీ, పరిశ్రమ శాఖల మంత్రి కేటీఆర్‌ స్పష్టం చేశారు. గచ్చిబౌలిలో థర్మో ఫిషర్‌ సైంటిఫిక్‌ సంస్థ పరిశోధనా కేంద్రం ప్రారంభోత్సవంలో మంత్రి పాల్గొన్నారు. ఏటా 15 మిలియన్‌ డాలర్ల పెట్టుబడితో ఈ ఆర్‌ అండ్‌ డీ సెంటర్‌ 450 మంది ఇంజినీర్లకు ఉపాధి కల్పించబోతోందని ప్రకటించారు. లైఫ్‌సైన్సెస్‌, ఇన్నోవేషన్‌ రంగాల్లో హైదరాబాద్‌ స్థానాన్ని సుస్థిరం చేసేలా ప్రభుత్వం కృషి కొనసాగిస్తుందని కేటీఆర్‌ వెల్లడించారు.

గచ్చిబౌలిలో థర్మో ఫిషర్ సైంటిఫిక్ సంస్థ

Thermo Fisher Scientific Research Lab : "థర్మో ఫిషర్‌ తమ ఇండియా ఇంజినీరింగ్‌ సెంటర్‌ ఏర్పాటుకు హైదరాబాద్‌ను ఎంచుకోవడం సంతోషకరం. ఇది ఇన్నోవేషన్‌, రీసెర్చ్‌ రంగాల్లో హైదరాబాద్‌ ఘనతను మరింత చాటుతుంది. సాంకేతిక కేంద్రంగా ప్రపంచంలో హైదరాబాద్ తన స్థానాన్ని సుస్థిరం చేసుకుంటోంది. లైఫ్‌ సైన్సెస్‌ రంగానికి గమ్యస్థానంగా, నైపుణ్య హబ్‌గా హైదరాబాద్‌ పేరు గడిస్తోంది. నగరంలో ఇప్పటికే ఐడీపీఎల్, ఇక్రిశాట్‌, ఐఐసీటీ వంటి ప్రపంచస్థాయి పరిశోధనా కేంద్రాలు ఉన్నాయి. ఇటీవల ఎఫ్‌డీఐ బెంచ్‌మార్క్‌ చేసిన అధ్యయనం ప్రకారం.. లైఫ్‌సైన్సెస్‌ పరిశోధనా రంగంలో ప్రపంచంలోని ఇతర క్లస్టర్లకన్నా హైదరాబాద్‌ ముందుంది. ఈ పురోగతిని కొనసాగించేలా జీనోమ్‌ వ్యాలీ వంటి క్లస్టర్ల ఏర్పాటుతో మేం ముందుకు వెళ్తున్నాం."

కేటీఆర్, ఐటీ, పరిశ్రమలశాఖ మంత్రి

గచ్చిబౌలిలో థర్మో ఫిషర్ సైంటిఫిక్ సంస్థ ప్రారంభోత్సవంలో కేటీఆర్

KTR About Thermo Fisher Scientific Lab: 15 మిలియన్ డాలర్ల పెట్టుబడితో థర్మో ఫిషర్ సైంటిఫిక్ సంస్థ ఏర్పడుతోందని కేటీఆర్ తెలిపారు. నగరంలో థర్మో ఫిషర్స్‌ పరిశోధన, అభివృద్ధి సెంటర్‌ను ఏర్పాటు చేస్తున్నట్లు వెల్లడించారు. ఇందులో నైపుణ్యం కలిగిన 450 మందికి పైగా ఇంజినీర్లు పనిచేస్తారని.. కొత్త ఉత్పత్తులు, విశ్లేషణాత్మక పరిష్కారాలకు ఇది కేంద్రంగా ఉండనుందని అన్నారు. థర్మో ఫిషర్స్ పరిశోధన కోసం ఏటా 1.4 బిలియన్ డాలర్ల వ్యయం చేస్తున్నట్లు చెప్పారు. ఈ సంస్థ ఇప్పటికే ఉత్పత్తి, భూ, నీటి వనరులపై పరిశోధిస్తోందని వివరించారు.

"గత నెలలో బోస్టన్‌లో థర్మో ఫిషర్స్ ప్రతినిధులను కలిశా. పరిశోధన కేంద్రాల విషయంలో ఆసియాలోనే క్రియాశీల స్థానంలో ఉన్నాం. గ్లోబల్ కేపబిలిటి సెంటర్లకు కూడా హైదరాబాద్ మంచి ప్రదేశం. 2030 లోపు లైఫ్ సైన్సెస్ రంగంలో 100 బిలియన్‌ డాలర్ల సాధనే లక్ష్యం. పెట్టుబడులు పెట్టే వారికి మంచి వాతావరణాన్ని కల్పిస్తున్నాం."

- కేటీఆర్, ఐటీ, పరిశ్రమలశాఖ మంత్రి

ఇవీ చదవండి :