Minister Chelluboyina: ఆంధ్రప్రదేశ్లోని కోనసీమ జిల్లా అమలాపురంలో దివంగత మాజీ శాసనసభ్యుడు కుడుపూడి చిట్టబ్బాయి సంస్మరణ సభలో ఓ సంఘటన చోటు చేసుకుంది. ఏపీ సమాచార, పౌర సంబంధాలు, సినిమాటోగ్రఫీ మంత్రి చెల్లుబోయిన వేణు గోపాలకృష్ణ మోకాళ్లపై కూర్చొని దండాలు పెట్టడం అక్కడున్నవారికి విస్మయం కలిగించింది.
తితిదే ఛైర్మన్కు శిరసు వంచి మోకాళ్లపై నమస్కరించిన మంత్రి...అవాక్కయిన సభ్యులు..
"ముఖ్యమంత్రి జగన్మోహన్ రెడ్డి, మీరూ అందించిన సహకారం మరువలేనిది.. మీకు మా సామాజికవర్గం మొత్తం రుణపడి ఉంటారు" అని చెబుతూ.. తిరుమల తిరుపతి దేవస్థానం ఛైర్మన్ వైవి సుబ్బారెడ్డి ఎదుట శిరసు వంచి మోకాళ్లపై ప్రణమిల్లి నమస్కరించారు. అప్పుడు మంత్రిని భుజం తట్టి పైకిలేపారు తితిదే ఛైర్మన్ సుబ్బారెడ్డి. మంత్రి చెల్లుబోయిన వేణుగోపాలకృష్ణ మోకాళ్లపై కూలబడిన తీరు.. తలవంచి దండాలు పెట్టిన తీరు చూసి.. అక్కడున్నవారంతా ఆశ్చర్యానికి లోనయ్యారు.
ఇవీ చదవండి :
