ఈనెల 27న కోర్టుకు హాజరుకావాలని ఏపీ డీజీపీ, హోం సెక్రటరీకి ఆ రాష్ట్ర హైకోర్టు ఆదేశాలు జారీ చేసింది. పోలీస్ అధికారికి పదోన్నతిపై నిర్లక్ష్యంగా వ్యవహరించారని పిటిషన్పై విచారణ జరిగింది. కోర్టు ధిక్కారం కింద ఇద్దరూ హాజరుకావాలని గతంలోనే ధర్మాసనం ఆదేశించింది. ఎన్నికల విధుల్లో ఉన్నందున హాజరుకాలేమని అధికారుల అఫిడవిట్ దాఖలు చేశారు.
ఏపీ డీజీపీ, హోం సెక్రటరీ అఫిడవిట్‌పై ఆంధ్రప్రదేశ్ హైకోర్టు అసంతృప్తి వ్యక్తం చేసింది. సుప్రీం నిర్ణయం వచ్చేవరకు ఎన్నికలు వాయిదా వేయాలని సీఎస్‌ కోరారని.. డీజీపీ, హోం సెక్రటరీ ఎన్నికల విధులని చెప్పడమేంటని ప్రశ్నించింది. ఈనెల 27న డీజీపీ, హోం సెక్రటరీ హాజరుకావాలని హైకోర్టు ఆదేశించింది.
ఇవీచూడండి: 'ఎన్నికలు జరగాల్సిందే... మీ యుద్ధంలో మేం భాగస్వామ్యం కాబోము'
