'పొద్దుపోకుంటే యోగా చేస్కోండి.. ఆరోగ్యానికి మంచిది'

కరోనా వల్ల పేద, ధనిక అనే తేడా లేకుండా పోయిందని మంత్రి హరీశ్​ రావు అన్నారు. సంగారెడ్డి జిల్లా పటాన్​చెరు ఎమ్మెల్యే మహిపాల్​ రెడ్డి సహకారంతో ఆటో డ్రైవర్లకు, గ్రామపంచాయతీ సిబ్బందికి నిత్యావసర కిట్లు అందజేశారు. పటాన్​చెరులో ఇప్పటికే మూడు పాజిటివ్ కేసులు నమోదైనందున... ప్రజలు అప్రమత్తంగా ఉండాలని సూచించారు. బయటకు వస్తే మాస్కులు ధరించాలని, వైరస్​ వ్యాపించకుండా తీసుకోవాల్సిన జాగ్రత్తలు సూచించారు.

"చేతులు శుభ్రంగా కడుక్కోవాలి. రోజుకు రెండు సార్లు స్నానం చేయండి. పౌష్ఠికాహారం తినండి. వేడి వేడి కోడిగుడ్డు గానీ, మాంసం గానీ, పప్పులు గానీ తినండి. పప్పుల్లోనూ పోషకాలుంటాయి. సి-విటమిన్​ ఉండే నిమ్మరసం తాగండి. బత్తాయి, ఆరెంజ్​ పండ్లు తినండి. రోజూ మూడు పూటలా వేడి నీరు తాగండి. కరోనా వైరస్ గొంతులో ఉంటుంది. వేడికి వైరస్ చచ్చిపోతది. ఇంట్లో ఉంటే పొద్దుపోతలేదనుకుంటే యోగా చేయండి ఆరోగ్యానికి చాలా మంచిది. టీవీ పెడితే యోగ ఎలా చేయాలో చెబుతారు."

- హరీశ్​రావు, ఆర్థికశాఖ మంత్రి

ఇదీ చూడండి: ఆ​ రాష్ట్రంలోకీ ఎంటరైన కరోనా- నేడు తొలి కేసు నమోదు