హైదరాబాద్ కూకట్పల్లిలో జేఎన్టీయూహెచ్ తొమ్మిదో స్నాతకోత్సవం ఘనంగా జరిగింది. గవర్నర్ తమిళిసై సౌందరరాజన్ వీడియో కాన్పరెన్స్ ద్వారా అధ్యక్షోపన్యాసం చేశారు. ఈ ఏడాది యూనివర్సిటీ గౌరవ డాక్టరేట్ను డిపార్ట్మెంట్ ఆప్ డిఫెన్స్ ఆర్ఎండ్డీ కార్యదర్శి, ఏరోనాటికల్ డెవలప్మెంట్ ఏజెన్సీ డైరెక్టర్ జనరల్, డీఆర్డీవో ఛైర్మన్ జి. సతీష్రెడ్డికి అందజేశారు.
డా. సతీష్రెడ్డికి అవార్డు ఇవ్వడంపై తమిళిసై ఆనందం వ్యక్తం చేశారు. శనివారం పీహెచ్డీ అందుకున్నవారిలో కొవిడ్ ఫ్రంట్లైన్ వారియర్స్లో ఒకరైన డీజీపీ మహేందర్రెడ్డి ఉండటం సంతోషకరమన్నారు. స్నాతకోత్సవం కార్యక్రమంలో 31 కోర్సులు పూర్తి చేసుకున్న 78,395 మందికి పట్టాలు ప్రదానం చేశారు. పట్టాలను సాధించిన వారు సమాజం పట్ల సామాజిక బాధ్యతను అలవర్చుకోవాలని కోరారు.
ఇదీ చూడండి: 24 గంటల్లో కరెంట్ సరఫరా జరగాలి: కేటీఆర్ ఆదేశం
