Etela : దిల్లీ విమానాశ్రయంలో ఈటల బృందానికి తప్పిన ప్రమాదం

తెరాసను వీడి.. భాజపా తీర్థం పుచ్చుకున్న మాజీ మంత్రి ఈటల రాజేందర్(Etela Rajender) తన అనుచరులతో కలిసి హైదరాబాద్​ చేరుకున్నారు. దిల్లీ నుంచి శంషాబాద్ విమానాశ్రయం చేరుకున్న ఆయన.. నేరుగా తన నివాసానికి వెళ్లారు. త్వరలోనే భాజపా రాష్ట్ర పార్టీ కార్యాలయానికి వెళ్లనున్నట్లు ఈటల(Etela Rajender) సన్నిహితులు తెలిపారు.

భాజపాలో చేరిన తర్వాత తన అనుచరులతో కలిసి హైదరాబాద్​ బయలుదేరిన మాజీ మంత్రి ఈటల రాజేందర్(Etela Rajender) బృందానికి దిల్లీ విమానాశ్రయంలో స్వల్ప ప్రమాదం తప్పింది. టేకాఫ్ సమయంలో.. సాంకేతిక సమస్యను పైలట్ గుర్తించారు. సమస్యను పరిష్కరించిన అనంతరం విమానం నగరానికి బయలుదేరింది. ఉదయం 3 గంటలకు దిల్లీ నుంచి శంషాబాద్ విమానాశ్రయం చేరుకోవాల్సిన విమానం చాలా ఆలస్యంగా బయలుదేరింది.

నగరానికి చేరుకున్న ఈటల బృందం

తొలుత శంషాబాద్​కు ఉదయం 10 గంటలకు చేరుకుని.. అక్కణ్నుంచి నాంపల్లిలోని భాజపా రాష్ట్ర కార్యాలయానికి భారీ ర్యాలీగా రావాలని భావించారు. అనుకున్న సమయానికి నగరానికి రాకపోవడం వల్ల ఈ కార్యక్రమం వాయిదా పడే అవకాశముంది. మరో రోజు పార్టీ రాష్ట్ర కార్యాలయానికి వెళ్లనున్నట్లు ఈటల(Etela Rajender) సన్నిహితులు తెలిపారు.

శంషాబాద్ విమానాశ్రయంలో ఈటల

దిల్లీ నుంచి హైదరాబాద్​ చేరుకున్న ఈటల బృందం

• ఇదీ చదవండి : Tragedy: రూ.80 లక్షలు ఖర్చు చేసినా.. కుటుంబంలో ముగ్గురు మృతి