దిశ: నవంబర్ 27న హత్యాచారం... ఇవాళ ఎన్కౌంటర్ - shadnagar rape case

నవంబర్ 27న జరిగిన దిశ హత్యాచారం ఘటన దేశవ్యాప్తంగా సంచలనం సృష్టించింది. షాద్నగర్ ఓఆర్‌ఆర్‌ టోల్‌గేట్‌కు 50మీటర్ల దూరంలో అత్యాచారం చేసిన నిందితులు అనంతరం హత్య చేశారు. మృతదేహాన్ని వారి లారీలో షాద్‌నగర్‌ మండలం చటాన్‌పల్లి జాతీయ రహదారిపై ఉన్న వంతెన కిందకు తీసుకెళ్లి డీజిల్‌ పోసి నిప్పంటించారు. నిందితులను ఈ రోజు తెల్లవారుజామున పోలీసుల ఎన్కౌంటర్ చేశారు.

rape

Published : Dec 6, 2019, 8:15 AM IST

Updated : Dec 6, 2019, 8:43 AM IST

సైబరాబాద్‌ కమిషనరేట్ పరిధిలోని తొండుపల్లి జంక్షన్ సమీపంలో నలుగురు వ్యక్తులు... వైద్యురాలిని నవంబర్ 27న అత్యాచారం చేసి హతమార్చిన ఘటన సంచలనం సృష్టించింది. దిశను ఓఆర్‌ఆర్‌ టోల్‌గేట్‌కు 50మీటర్ల దూరంలో అత్యాచారం చేసిన నిందితులు అనంతరం హత్య చేశారు. మృతదేహాన్ని వారి లారీలో షాద్‌నగర్‌ మండలం చటాన్‌పల్లి జాతీయ రహదారిపై ఉన్న వంతెన కిందకు తీసుకెళ్లి డీజిల్‌ పోసి నిప్పంటించారు.

భయంగా ఉందంటూ చెల్లికి ఫోన్‌...

శంషాబాద్‌కు చెందిన యువతి... మహబూబ్‌నగర్‌ జిల్లా కొల్లూరులో పశువైద్యురాలిగా పనిచేస్తోంది. చర్మ సంబంధిత వైద్యం కోసం స్కూటీపై.... గచ్చిబౌలికి వెళ్లి తిరిగొస్తున్న సమయంలో ఈ దారుణం జరిగింది. స్కూటీలో గాలి లేకపోవడం వల్ల రాత్రి 9గంటల సమయంలో... ఓ వ్యక్తి గాలి నింపుకొస్తానంటూ ద్విచక్రవాహనం తీసుకెళ్లాడు. ఈ విషయాన్ని అక్కడి నుంచే తన సోదరికి ఫోన్‌లో వివరించింది. ఇద్దరు లారీ డ్రైవర్లు తనను వెంబడిస్తున్నారని, భయంగా ఉందని చెప్పి ఫోన్‌ పెట్టేసింది. రాత్రి పది దాటినా ఇంటికి రాకపోవడం వల్ల అనుమానించిన సోదరి. .. తొండుపల్లి టోల్‌గేట్ సమీపంలో గాలించింది. అయినా ఆచూకీ లభించలేదు. రాత్రి 11 గంటల సమయంలో పోలీసులకు ఫిర్యాదు చేసింది.

10 బృందాలుగా ఏర్పడి దర్యాప్తు..

షాద్‌నగర్ మండలం చటాన్‌పల్లి జాతీయ రహదారి వంతెన కింద కాలుతున్న మృతదేహాన్ని గుర్తించిన గొర్రెల కాపరి పోలీసులకు సమాచారమిచ్చాడు. దీంతో శంషాబాద్ పోలీసులు మృతురాలి కుటుంబసభ్యులను తీసుకొని ఘటనా స్థలానికి వెళ్లి పరిశీలించారు. కాలిపోయిన స్థితిలో ఉన్న మృతదేహం ఆనవాళ్లు వైద్యురాలివేనని గుర్తించారు. హత్యకు గల కారణాలపై పోలీసులు లోతుగా దర్యాప్తు చేపట్టారు. 10 బృందాలుగా ఏర్పడి జాతీయ రహదారితో పాటు.. బాహ్యవలయ రహదారి చుట్టూ గాలించారు. సీసీ ఫుటేజీని విశ్లేషించారు. నిందితులను అదుపులోకి తీసుకుని ఘటనా స్థలంలో క్లూస్ టీంతో తనిఖీలు నిర్వహించారు.

దిశ హత్యకేసులో నలుగురు నిందితులను పోలీసులు ఎన్‌కౌంటర్‌ చేశారు. దిశను కాల్చిన చోటే ఎన్‌కౌంటర్‌ చేసినట్లు సమాచారం. సీన్ రీకన్‌స్ట్రక్షన్‌ చేస్తుండగా పోలీసులు వద్ద ఆయుధాలు తీసుకుని పారిపోయేందుకు యత్నించిన నిందితులపై కాల్పులు జరిపినట్లు పోలీసు ఉన్నతాధికారులు నిర్ధరించారు. ఆత్మరక్షణ కోసం కాల్పులు జరిపినట్లు పోలీసులు వెల్లడించారు. ఎన్‌కౌంటర్‌లో మహ్మద్ ఆరిఫ్ పాషా, జొల్లు శివ, నవీన్, చెన్నకేశవులు మృతి చెందారు. తెల్లవారుజామున నిందితులను ఎన్‌కౌంటర్‌ చేశారు. ఎన్‌కౌంటర్‌ జరిగిన ప్రాంతాన్ని సైబరాబాద్‌ సీపీ సజ్జనార్‌ పరిశీలించారు.

ఇవీ చూడండి: రాజధాని శివారులో యువ వైద్యురాలి దారుణహత్య

భయంగా ఉందంటూ చెల్లికి ఫోన్‌...

10 బృందాలుగా ఏర్పడి దర్యాప్తు..

దిశ హత్యకేసులో నలుగురు నిందితులను పోలీసులు ఎన్‌కౌంటర్‌ చేశారు. దిశను కాల్చిన చోటే ఎన్‌కౌంటర్‌ చేసినట్లు సమాచారం. సీన్ రీకన్‌స్ట్రక్షన్‌ చేస్తుండగా పోలీసులు వద్ద ఆయుధాలు తీసుకుని పారిపోయేందుకు యత్నించిన నిందితులపై కాల్పులు జరిపినట్లు పోలీసు ఉన్నతాధికారులు నిర్ధరించారు. ఆత్మరక్షణ కోసం కాల్పులు జరిపినట్లు పోలీసులు వెల్లడించారు. ఎన్‌కౌంటర్‌లో మహ్మద్ ఆరిఫ్ పాషా, జొల్లు శివ, నవీన్, చెన్నకేశవులు మృతి చెందారు. తెల్లవారుజామున నిందితులను ఎన్‌కౌంటర్‌ చేశారు. ఎన్‌కౌంటర్‌ జరిగిన ప్రాంతాన్ని సైబరాబాద్‌ సీపీ సజ్జనార్‌ పరిశీలించారు.

ఇవీ చూడండి: రాజధాని శివారులో యువ వైద్యురాలి దారుణహత్య

TG_HYD_07_29_PRIYANKA_MURDER_CASE_PKG_3181326_TS10020 రిపోర్టర్-శ్రీకాంత్ కంట్రిబ్యూటర్- భుజంగ రెడ్డి ( ) సైబరాబాద్ కమిషనరేట్ పరిధిలో దారుణం చోటు చేసుకుంది. ఢిల్లీలో చోటు చేసుకున్న నిర్భయ లాంటి ఘటనను తలపించేలా ఓ యువతి హత్యాచారానికి గురైంది. జాతీయ రహదారి పక్కనే ఉన్న తొండుపల్లి జంక్షన్ వద్ద ఖాళీ స్థలంలో ప్రియాంక రెడ్డి అనే పశు వైద్యురాలిని అత్యాచారం చేసి హత్య చేసినట్లు పోలీసులు అనుమానిస్తున్నారు. అక్కడి నుంచి షాద్ నగర్ వైపు తీసుకెళ్లి జాతీయ రహదారి వంతెన కింద మృతదేహాన్ని కాల్చివేశారు. ఈ పాశవిక ఘటనలో పోలీసులు ఇద్దరు నిందితులను అదుపులోకి తీసుకున్నట్లు సమాచారం......LOOK V.O- సభ్య సమాజం తలదించుకునే ఘటన రాష్ట్ర రాజధానిలో జరిగింది. ఓ పశు వైద్యురాలు దారుణ హత్యకు గురైంది. ఇద్దరు నిందితులు అత్యాచారం చేసి ఆ తర్వాత హత్య చేశారు. ఆనక మృతదేహాన్ని మూటకట్టి 25 కిలోమీటర్ల దూరం తీసుకెళ్లి పెట్రోల్ పోసి నిప్పంటించారు. ఎక్కడో నిర్మానుష ప్రాంతంలో ఈ దుర్ఘటన చోటు చేసుకోలేదు. 24 గంటలు వాహనాల రాకపోకలు కొనసాగే జాతీయ రహదారి పక్కన..... బాహ్యవలయ రహదారి టోల్ బూత్ కు 50 మీటర్ల దూరంలో చోటు చేసుకోవడం శోచనీయం. ద్విచక్ర వాహనం టైరులో గాలిపోతే... సాయం చేస్తామని నమ్మించి వంచించిన లారీ డ్రైవర్, క్లీనర్... యువతిపై హత్యాచారం చేశారు. ఢిల్లీ నిర్భయ కేసును తలపించేలా ఈ ఘటన చేటు చేసుకోవడం మహిళల భద్రతను ప్రశ్నార్థకం చేస్తోంది....SPOT V.O- శంషాబాద్ కు చెందిన ప్రియాంక్ రెడ్డి వృత్తి రీత్యా పశువైద్యురాలు. నవాబ్ పేట మండలం కొల్లూరులో విధులు నిర్వహించేది. రోజులాగే విధులకు వెళ్లి వచ్చిన తర్వాత సాయంత్రం ఇంటికి వచ్చిన ప్రియాంక... చర్మ సంబంధిత వైద్యం కోసం గచ్చిబౌలీ వెళ్లింది. శంషాబాద్ లోని నక్షత్ర అపార్ట్ మెంట్ లో తన ఇంట్లో నుంచి ద్విచక్ర వాహనం తీసుకొని సాయంత్రం 6 గంటల సమయంలో తొండుపల్లి బాహ్యవలయ రహదారి టోల్ బూత్ దగ్గరికి వచ్చింది. అక్కడ తన వాహనాన్ని పార్క్ చేసి.... క్యాబ్ లో బాహ్యవలయ రహదారి మీదుగా గచ్చిబౌలీలో ఓలివ్ క్లీనిక్ కు చేరుకుంది. గత కొన్ని వారాలుగా ఇదే క్లీనిక్ లో ప్రియాంక్ రెడ్డి ముఖంపై మొటిమలు తగ్గడానికి సంబంధించిన చికిత్స తీసుకుటుంది. చికిత్స ముగిసిన తర్వాత క్యాబ్ లో తొండుపల్లి జంక్షన్ కు రాత్రి 9గంటల సమయానికి చేరుకుంది. ద్విచక్ర వాహనం దగ్గరికి వెళ్లి చూడగా... వెనక టైరులో గాలి లేని విషయాన్ని గమనించింది. అలాగే వెళ్లడానికి ప్రయత్నించగా... అక్కడున్న ఓ వ్యక్తి గాలి నింపుకొని వస్తా అని ద్విచక్ర వాహనం తీసుకెళ్లారు. ఈ సమయంలో ప్రియాంక.... ఈ విషయాన్ని అక్కడి నుంచే తన సోదరి భవ్యకు ఫోన్ లో వివరించింది. లారీ డ్రైవర్లు వెంబడిస్తున్నారని... తన వైపు అదోలా చూస్తున్నారని సోదరికి చెప్పింది. సమీపంలో ఉన్న టోల్ బూత్ లోని వెళ్లాలని భవ్య, ప్రియాంకకు సూచించింది. ఎలాగోలా ఇంటికి వస్తాలే అని ప్రియాంక ఫోన్ పెట్టేసింది. రాత్రి పది దాటినా ఇంటికి రాకపోవడంతో భవ్య తొండుపల్లి టోల్ గేట్ పరిసరాల వద్దకు వెళ్లి వెతికింది. జాడ కనిపించకపోవడంతో రాత్రి 11 గంటల సమయంలో పోలీసులకు ఫిర్యాదు చేసింది. V.O- షాద్ నగర్ మండలం చటాన్ పల్లి జాతీయ రహదారి వంతెన కింద మృతదేహం ఉన్నట్లు గుర్తించిన గొర్రెల కాపరి పోలీసులకు సమాచారమిచ్చాడు. పోలీసులు సంఘటనా స్థలానికి చేరుకొని పూర్తికాలిపోయిన మృతదేహాన్ని మహిళదిగా గుర్తించారు. శంషాబాద్ పోలీస్ స్టేషన్ లో యువతి మిస్సింగ్ కేసు నమోదైన విషయాన్ని తెలుసుకొని సదరు పోలీసులకు సమాచారమిచ్చారు. శంషాబాద్ పోలీసులు ప్రియాంకరెడ్డి సోదరిని తీసుకొని సంఘటనా స్థలానికి వెళ్లి చూడగా... ప్రియాంక రెడ్డి మృత దేహంగా గుర్తించారు. ఈ హత్య కేసు మిస్టరీగా మారింది. రాత్రి 9.30 గంటల సమయంలో తొండుపల్లి జంక్షన్ వద్ద ఉన్న ప్రియాంక రెడ్డి ఎలా హత్యకు గురై ఉంటుందనే కోణంలో పోలీసులు దర్యాప్తు చేపట్టారు. 10 బృందాలుగా ఏర్పడిన పోలీసులు జాతీయ రహదారితో పాటు.. బాహ్యవలయ రహదారి చుట్టూ గాలింపు నిర్వహించారు. సీసీ కెమెరాలను విశ్లేషించారు. అనంతపురానికి చెందిన లారీ డ్రైవర్, క్లీనర్ ఈ దురఘతానికి పాల్పడినట్లు తేల్చారు. వాళ్లను అదుపులోకి తీసుకొని వాళ్లిచ్చిన సమాచారం మేరకు తొండుపల్లి జంక్షన్ పక్కనే ఉన్న ఖాలీ ప్రదేశంలో క్లూస్ టీం తనిఖీలు నిర్వహించారు. డాగ్ స్వ్కాడ్ బృందాలు కూడా ఆధారాలు సేకరించారు. ఆ ప్రదేశంలో ప్రియాంకకు చెందిన హ్యాండ్ బ్యాగ్ తో పాటు.... ఆమె లోదుస్తులను పోలీసులు స్వాధీనం చేసుకున్నారు. ప్రియాక ద్విచక్ర వాహనాన్ని నిందితులు... కొత్తూర్ జాతీయ రహదారి పక్కన వదిలి వెళ్లారు. నిందితులు హత్య అనంతరం మృతదేహాన్ని లారీలో దుప్పటితో చుట్టి చఠాన్ పల్లి వద్ద తగులబెట్టినట్లుగా పోలీసులు భావిస్తున్నారు. ప్రియాంక రెడ్డి మృతదేహాన్ని తీసుకెళ్లే క్రమంలో నిందితులు లారీని ఎక్కడ నిలిపారనే కోణంలో పోలీసులు వివరాలు సేకరిస్తున్నారు. క్లీనర్ ద్విచక్ర వాహనాన్ని తీసుకెళ్లి నెంబర్ ప్లేట్ తీసెసి.. కొత్తూర్ జాతీయ రహదారి పక్కన వదిలేసి... అక్కడి నుంచి మళ్లీ లారీ ఎక్కినట్లుగా పోలీసులు భావిస్తున్నారు. ఆ తర్వాత చఠాన్ పల్లి వద్దకు చేరుకొని అర్ధరాత్రి దాటిన తర్వాత మృతదేహాన్ని లారీలో ఉన్న కొంత డీజిల్ తీసి మృతదేహంపై పోసి తగులబెట్టినట్లు పోలీసులు అనుమానిస్తున్నారు. హత్య చేసిన అనంతరం లారీలో అనంతపురం పారిపోయిన నిందితులను పోలీసులు అదుపు లోకి తీసుకొని ప్రశ్నిస్తున్నట్లు సమాచారం. E.V.O- ఈ ఘటనను వ్యతిరేకిస్తూ ప్రియాంక నివాసం ఉండే కాలనీ వాసులు జాతీయ రహదారిపై క్యాండిల్ ర్యాలీ నిర్వహించారు. నిందితులను ఉరితీయాలని డిమాండ్ చేశారు. నిందితులను ప్రశ్నిస్తున్న పోలీసులు హత్య కేసుకు సంబంధించిన పూర్తి ఆధారాలు సేకరిస్తున్నారు.

Last Updated : Dec 6, 2019, 8:43 AM IST

For All Latest Updates