క్యూములోనింబస్‌ ప్రభావం.. నగరంలో వర్షం

క్యూములోనింబస్‌ మేఘాల ప్రభావంతో హైదరాబాద్​ నగరంలో వర్షం కురుస్తుంది. వీటి ప్రభావంతో సాయంత్రానికి మరిన్ని జిల్లాల్లో వర్షం కురిసే అవకాశాలున్నట్లు వాతవరణ శాఖ తెలిపింది.

క్యూములోనింబస్ మేఘాల వల్ల హైదరాబాద్ మహానగరంలో పలుచోట్ల భారీ వర్షం కురిసింది. ఈదురుగాలులకు చెట్లు నేలకొరిగాయి. వర్షానికి ప్రధాన రహదారులన్నీ జలమయమయ్యాయి. మ్యాన్ హోల్స్​ పొంగిపొర్లాయి. వీధులన్నీ జలమయమయ్యాయి. లోతట్టు ప్రాంతాల్లోకి వరద నీరు చేరింది. బంజారాహిల్స్​ రోడ్డు నెంబర్ 10లో రహదారిపై చెట్టు పడింది. సింగాలి బస్తీలో ఓ ఇంటి రేకులపై పక్కింటి గోడ కూలిపడింది.

యూసుఫ్ గూడలో ఇంటి నిర్మాణం కోసం కట్టిన కట్టెలు పడిపోయాయి. ప్రేమ్ నగర్ బస్తీలోని లోతట్ట ప్రాంతంలో ఇళ్లలోకి వర్షపు నీరు చేరింది. అఘాపూరలోని మహాలక్ష్మీ టిఫిన్ సెంటర్ ఎదురుగా చెట్టు కూలింది. మంగళ్ హాట్​లోని శివలాల్ నగర్​లో వీధులు జలమయమయ్యాయి.

నీట మునిగిన ద్విచక్ర వాహనాలు

జిల్లాల్లో కూడా..

క్యూములోనింబస్‌ మేఘాలతో రాష్ట్రంలో పలుచోట్ల వర్షం కురిసే అవకాశం ఉందని హైదరాబాద్​ వాతావరణ కేంద్రం తెలిపింది. సాయంత్రానికి మరిన్ని జిల్లాల్లో వర్షం కురిసే అవకాశాలున్నట్లు పేర్కొంది. ఉధిక ఉష్ణోగ్రతల కారణంగా క్యూములోనింబస్‌ మేఘాలు ఏర్పడ్డాయని స్పష్టం చేసింది. తెలంగాణపై తుఫాన్‌ ప్రభావం లేదని తేల్చిచెప్పింది.

ఇవీ చూడండి: రెండ్రోజుల్లో సొంతూరికి వెళ్లేవాడు... అంతలోనే..