ఈ నెల 11న జరుగనున్న జీహెచ్ఎంసీ మేయర్, డిప్యూటీ మేయర్ ఎన్నిక కోసం ఏర్పాట్లు శరవేగంగా జరుగుతున్నాయి. జీహెచ్ఎంసీ ప్రధాన కార్యాలయంలో జరగనున్న ఈ ఎన్నికల ఏర్పాట్లను రిటర్నింగ్ అధికారి, హైదరాబాద్ కలెక్టర్ శ్వేతామహంతి పరిశీలించారు. జీహెచ్ఎంసీ కమిషనర్ లోకేశ్ కుమార్, ఎన్నికల విభాగం అధికారులు, కార్యదర్శులతో సమావేశమైన అనంతరం కౌన్సిల్ హాల్ను శ్వేతామహంతి పర్యవేక్షించారు.
ఎక్స్ అఫీషియో, కార్పొరేటర్లకు పార్టీల వారిగా సీట్ల కేటాయింపు, కౌన్సిల్ హాల్లోకి ప్రవేశం, మీడియా ఎన్క్లోజర్ తదితర అంశాలను పరిశీలించారు. 11న జరిగే సమావేశాన్ని పూర్తిస్థాయి వీడియోగ్రఫీ చేయించాలని సంబంధిత అధికారులకు శ్వేతామహంతి ఆదేశించారు.
