వైద్యులు, పుర సిబ్బందికి కేంద్ర మంత్రి కిషన్ రెడ్డి సత్కారం

కరోనా మహమ్మారి కరాళ నృత్యం చేస్తున్న సమయంలో ప్రాణాలు పణంగా పెట్టి సేవలందించిన వైద్యులు, పురపాలక సిబ్బందిని కేంద్ర మంత్రి కిషన్ రెడ్డి అభినందించారు. వారికి కృతజ్ఞతలు తెలుపుతూ హైదరాబాద్ అంబర్​పేట్​లో సన్మానించారు.

కరోనా వంటి ఆపత్కాలంలో ముందుండి పోరాడిన ప్రతి ఒక్కరికి కేంద్ర మంత్రి కిషన్ రెడ్డి కృతజ్ఞతలు తెలిపారు. వైరస్ అంతమయ్యే వరకు ప్రతి ఒక్కరు తగు జాగ్రత్తలు తీసుకోవాలని సూచించారు. ప్రపంచవ్యాప్తంగా కొవిడ్-19 మరోసారి విజృంభిస్తోందని చెప్పారు. వ్యాక్సిన్ వచ్చే వరకు అప్రమత్తంగా ఉండాలన్నారు.

వైద్యులు, పుర సిబ్బందికి కేంద్ర మంత్రి కిషన్ రెడ్డి సత్కారం

హైదరాబాద్ అంబర్​పేట్​లోని మున్సిపల్ గ్రౌండ్​లో అరుణ్ ప్రజాసేవా సమితి ఆధ్వర్యంలో కరోనా యోధులను కేంద్ర మంత్రి కిషన్ రెడ్డి సన్మానించారు. కష్టకాలంలో సేవలందించినందుకు వారిని అభినందించారు.

• ఇదీ చూడండి రాష్ట్రంలో కొత్తగా 1,267 కరోనా కేసులు, 4 మరణాలు