తిరుపతిలో నాటుబాంబులు కలకలం

తిరుపతిలోని శ్రీ వేంకటేశ్వర విశ్వవిద్యాలయం ఆవరణలో నాటుబాంబులు కలకలం సృష్టించాయి. జంతువుల కోసం వేటగాళ్లు బాంబులు పెట్టినట్లు పోలీసులు గుర్తించారు. వారిని అదుపులోకి తీసుకున్నట్లు తెలిపారు.

తిరుపతి శ్రీ వేంకటేశ్వర విశ్వవిద్యాలయం ఆవరణలో నాటుబాంబులు పేలడంతో ఒక్కసారిగా కలకలం రేగింది. యూనివర్సిటీ ప్రాంగణంలోని ఐ బ్లాక్ సమీపంలో రెండు నాటుబాంబులు పేలాయి. ఈ ఘటనలో అక్కడే ఉన్న ఓ శునకం, పంది మృతి చెందాయి.

అప్రమత్తమైన క్యాంపస్ పోలీసులు వెంటనే తనిఖీలు నిర్వహించారు. అడవి పందుల కోసం వేటగాళ్లు బాంబులు పెట్టినట్లు గుర్తించారు. దీనికి సంబంధించి ఇద్దరు వ్యక్తులను అదుపులోకి తీసుకున్నట్లు పోలీసులు తెలిపారు.

ఇదీ చదవండి: ప్రియుడి ఇంటి ముందు ప్రియురాలి నిరాహార దీక్ష