తక్కువ స్థలం, తక్కువ ఖర్చు...
ఫ్లెక్సిబుల్ పీవీసీ ఫ్యాబ్రిక్తో తయారు చేసిన బెలూన్ లాంటి ఈ ప్లాంట్ చూడటానికి అందంగానే ఉంటుంది. అంతే కాకుండా తక్కువ స్థలం, తక్కువ ఖర్చుతో ఏర్పాటు చేసుకోవచ్చు. ఈ ప్లాంట్ నెలకొల్పడం, తొలగించటం చాలా తేలిక. విస్తీర్ణం ఆధారంగా ప్లాంట్ను పెద్దగా లేదా చిన్నగా ఏర్పాటు చేసుకొని బయోగ్యాస్ ఉత్పత్తి చేయవచ్చు. విస్తీర్ణం దృష్ట్యా రెండు క్యూబిక్ మీటర్ల బయోగ్యాస్ ప్లాంట్ నుంచి రెండు సిలిండర్ల మేర గ్యాస్ ఉత్పత్తవుతుంది. ఇందుకోసం 30 కేజీల ఆహార వ్యర్థాలు లేదా 60 కేజీల పశువుల పేడ అవసరమవుతాయి. అదే 5 క్యూబిక్ మీటర్ల ప్లాంట్కు 50 కేజీల ఆహార వ్యర్థాలు లేదా 125 కేజీల పశువుల పేడ అవసరమవుతాయి. అపార్ట్ మెంటు వాసులకు, వ్యవసాయదారులు, పాడిరైతులకు ఈ విధానంతో చెత్త సమస్య తీరటమే కాక, ఇంధన ఖర్చులు ఆదా అవుతాయి.
ప్లాంట్ నెలకొల్పాలనుకునే జౌత్సాహికులకు నిర్వాహకులు సాంకేతిక సాయం అందిస్తున్నారు. ప్లాంట్ను నెలకొల్పిన 30 రోజుల తర్వాత గ్యాస్ ఉత్పత్తి ప్రారంభమవుతుంది. ఆహార వ్యర్థాల్లో ముఖ్యంగా కూరగాయల ముక్కలు, సేంద్రియ వ్యర్థాలు, వృథాగా పారేసే ఆహారపదార్థాలు, ఇతర తడి వ్యర్థాలను ఇన్ లెట్ ద్వారా ప్లాంట్లోకి పంపిస్తారు. ఇందులో ఉండే క్రషర్ వీటిని ప్రాసెస్ చేసి ఏనరోబిస్ ప్రక్రియ ద్వారా గ్యాస్ను విడుదల చేస్తుంది. దానిని స్టవ్కు అనుసంధానం చేసుకుంటే సరి.
ఇప్పుడిప్పుడే మార్కెట్...
ఇతర ప్లాంట్లతో పోలిస్తే ఇది నూతన సాంకేతికతో రూపొందించామని నిర్వాహకులు చెబుతున్నారు. ప్రస్తుతం ఉత్తర భారత్లో ఈ సాంకేతికతను ఎక్కువ మంది రైతులు వినియోగిస్తున్నారని.. దక్షిణ భారత్లో ఇప్పుడిప్పుడే మార్కెట్ ప్రారంభమైందన్నారు. వ్యర్థాల పునర్వినియోగం ద్వారా ప్రకృతికి ఎంతో మేలు జరుగుతుందని వెల్లడించారు.
పర్యావరణానికి మేలు, చెత్త సమస్య తీరుతుంది.. పనిలో పనిగా ఉచితంగా గ్యాస్ను అందించే ఈ ప్లాంట్పై అవగాహన పెంచాలి. అప్పుడే పర్యావరాణ ప్రయోజనం కలుగుతుంది.
