గౌరెల్లి-కొత్తగూడెం రోడ్డుకు ఎన్​హెచ్​ నెంబర్ కేటాయించండి: కోమటిరెడ్డి

గౌరెల్లి జంక్షన్​ నుంచి కొత్తగూడెం రోడ్డుకు ఎన్​హెచ్​ నెంబర్​ ఇవ్వాలని... భువనగిరి ఎంపీ కోమటిరెడ్డి వెంకట్​రెడ్డి లోక్​సభలో ప్రస్తావించారు. జాతీయ రహదారిగా గుర్తించినందున... రాష్ట్ర ప్రభుత్వం మరమ్మతులు చేయడం లేదన్నారు. దీంతో రోడ్డు అధ్వానంగా తయారైందని ఆవేదన వ్యక్తం చేశారు.

హైదరాబాద్‌ ఔటర్‌ రింగ్‌ రోడ్డు సమీపంలోని గౌరెల్లి జంక్షన్ నుంచి కొత్తగూడెం రోడ్డును జాతీయ రహదారిగా ప్రకటించినా... ఎన్‌హెచ్‌ నెంబర్‌ ఇవ్వలేదని లోక్​సభలో ఎంపీ కోమటిరెడ్డి వెంకట్ రెడ్డి కేంద్రం దృష్టికి తీసుకువచ్చారు. డీపీఆర్ పంపినా వెనక్కి వచ్చిందని... జాతీయ రహదారిగా గుర్తించినందున రాష్ట్ర ప్రభుత్వం రోడ్డు మరమ్మతు పనులు కూడా పట్టించుకోవడం లేదన్నారు.

త్వరగా ఎన్‌హెచ్‌ నంబర్‌ కేటాయించి.. రోడ్డు మరమ్మతుకు చర్యలు తీసుకోవాలని కోమటిరెడ్డి కోరారు. రాష్ట్ర ప్రభుత్వ నిర్లక్ష్య ధోరణితో కొన్నేళ్లుగా రహదారి పరిస్థితి అధ్వానంగా మారిందని ఆవేదన వ్యక్తం చేశారు. వైజాగ్ పోర్టు, ఛత్తీస్​గఢ్ రాష్ట్రాలకు హైదరాబాద్ నుంచి ఈ రహదారి 100 కిలోమీటర్ల దూరాన్ని తగ్గించడమే కాకుండా గిరిజన ప్రాంతాల నుంచి వెళ్తోందని గుర్తుచేశారు.

ఇదీ చూడండి: ఎల్​ఆర్​ఎస్​ను సవాల్​ చేస్తూ హైకోర్టులో కోమటిరెడ్డి పిటిషన్​