సమాజంలో రుగ్మతలు తగ్గలేదు: భట్టి

తపాలశాఖ రూపొందించిన ఈశ్వరీబాయి పోస్టల్​ స్టాంప్​ను భట్టి విక్రమార్క విడుదల చేశారు.

హైదరాబాద్‌ తెలుగు విశ్వవిద్యాలయంలో ఈశ్వరీబాయి మెమొరిల్‌ ట్రస్ట్‌ ఆధ్వర్యంలో శతాబ్ది ఉత్సవాలు ఘనంగా జరిగాయి. తపాలశాఖ ప్రత్యేకంగా రూపొందించిన ఈశ్వరీబాయి స్టాంప్​ను సీఎల్​పీ నేత భట్టి విక్రమార్క విడుదల చేశారు. సాధారణ కార్పొరేటర్‌గా రాజకీయ ప్రస్థానం మొదలు పెట్టి దేశం గర్వించే స్థాయికి ఆమె ఎదిగారని కొనియాడారు. స్వాతంత్ర్యం వచ్చి ఏడు దశాబ్దాలు దాటుతున్నా సమాజంలో రుగ్మతలు తగ్గలేదని భట్టి అన్నారు. ఎస్టీ, ఎస్సీ సర్పంచ్​లను గౌరవించకుండా కింద కూర్చొబెట్టే పరిస్థితులు ఈ రోజుల్లో కూడా కనిపించడం బాధకరమని వ్యాఖ్యానించారు. ఇటీవల మహబూబ్‌నగర్‌ జిల్లాలో జరిగిన సంఘటలనే ఇందుకు నిదర్శనమన్నారు.